依家周圍都黑糖珍奶，有人就要求整個黑糖雞胸，fine！ 4樣材料就做到手撕able 嫩滑雞胸，輕輕鬆鬆！今次就利用落糖先同用生粉醃既方法煮，又香又甜又好吃呀 材料 (1-2人份) 雞胸 400克 啡糖 4湯匙* 鹽 1茶匙 生粉 2茶匙 水 適量^ 做法 1. 落糖醃雞胸，搽勻兩面，靜置15-30分鐘 2. 糖會溶成糖漿，落鹽，搽勻兩面，醃多15分鐘，臨煎雞胸落生粉搽勻 3. 中大火熱平底鑊再落油，煎雞胸至表面熟，約3-4分鐘，再煎另一面約2分鐘，加水至覆蓋平底鑊底，轉最細火，冚蓋煎8-10分鐘，熄火用餘溫焗到開飯，起碼15分鐘，順手烚個菜，開餐！ *啡糖要揀會黐成一舊舊濕濕地個種，英文叫muscovado sugar，睇清楚成分係得一樣野先好買。因為有種啡糖brown sugar 其實係白糖(refined sugar) 噴返糖蜜 (molasses) 上去，同白糖一樣咁多化學野 (白糖係由原本深啡色既蔗糖漂成白色，咁你話係點整成既） ^因爲會經過煮既過程，生水同熟水 (凍滾水) 都冇所謂；如果有特別需要可以用返熟水 留意返，生粉並唔係落得愈多愈好，落得太多，會有一層厚膜黐住舊肉，就好似食好淋浸左湯既咕嚕肉咁，可想而知係好難食既一種口感，所以千其唔好貪心加勁多去醃肉，出事架嘛 Follow me on Facebook: http://www.facebook.com/malucfooddiary
