過江龍過左江咁耐，大家由心心眼極期待到疑惑係咪假貨，個種失落就係新加坡咖央多士過江既時候已經深深體驗到，真係慘過冇得食！ 講到原本係咁好食，梗係自己整黎食啦，唔通仲去扔錢落鹹水海咩！ 另外有見港女們會話tiramisu 好肥好膩，呢個食譜將tiramisu既芝士減少分量，忌廉轉做蛋白，糖都落少左，食得高興冇負擔 Pancake 唔係最興既梳乎厘pancake，而係超鬆軟既buttermilk pancake。咁做係因為想平衡返tiramisu羽毛咁輕既口感，配返個實在D既pancake，滿足到爆 今晚返去準備，聽日街都唔洗出就有人人羨慕既brunch 食啦！ (5塊pancake分量) Tiramisu餡 蛋 2隻，分開蛋白蛋黃 啡糖 45克 糖粉 70克 拔蘭地 20毫升 Mascarpone芝士 250克，室溫 咖啡Pancakes 低筋麵粉 1量杯 啡糖 2湯匙 梳打粉 1茶匙 泡打粉 1茶匙 鹽 1小撮 蛋 1隻 白脫牛奶 1量杯 黑咖啡 1/4量杯 溶化牛油 1湯匙 可可粉 適量 做法 Tiramisu 1. 隔熱水打發蛋黃、啡糖、拔蘭地至混合物變稠同充滿小泡泡，攤凍 未打發 打發好 2. 打發蛋白同糖粉至完全企身 3. 將芝士加入蛋黃混合物攪勻，再分3次加入蛋白輕輕攪勻，封保鮮紙雪過夜 整pancake 1.將所有乾材料攪勻，加入所有濕材料攪至混合 (絕對唔需要攪至冇粒粒，有大粉粒都冇問題)，封保鮮紙雪一個鐘 2. 煎pancake: 用平底易潔鑊煎唔洗落油。落一大匙pancake漿，見到冒泡就可以反轉煎另一面 一塊pancake 鋪底，搽一層tiramisu，再鋪一塊pancake，最後再淋tiramisu，然後篩可可粉係面，完成！ 睇片呢到: https://www.facebook.com/malucfooddiary/videos/479340742518205/ Follow me on Facebook: https://www.facebook.com/malucfooddiary/
