大熱天時飲熱辣辣既咖啡真係折磨多過享受!落街買咖啡都要承受毒太陽既煎熬,諗起都覺得冇晒趣。 係屋企整定樽cold brew coffee,隨時有得飲凍冰冰既咖啡,而且咖啡因含量比熱咖啡少,最重要係勁易整,唔洗買貴貴器材,why not! 材料 咖啡粉(espresso powder) 1杯 凍滾水 4杯 做法 1. 將咖啡粉加入一個已消毒連蓋玻璃樽,再加入凍滾水,放入雪櫃最少12個鐘* 2. 拎返樽咖啡出黎,再拎另一個吉樽,將濾紙放係吉樽口到,將咖啡倒入去隔油隔渣,搞掂! 咖啡可以放雪櫃大概2個星期,慢慢飲亦得 Baileys Latte 做法 按住 咖啡 2 : 凍牛奶 1 : Baileys 0.5 既比例就可以溝到一杯三種味都岩岩好既Baileys Latte。當然你可以因應自己喜好再較啦 *咖啡比例可以因應需要而加倍分量,甚至因應個人口味而調較比例。呢個比例唔會太濃或者太淡 (加左奶同酒都仍然有明顯咖啡味) 另外,無論隔左渣未,咖啡可以雪一個禮拜都冇問題 今晚雪定一樽,聽朝起身就有得飲啦! #熱到街都唔想出 #人群恐懼症係夏天特別嚴重 Follow me on Facebook: https://www.facebook.com/malucfooddiary/