旺角呢個商場開咗都好幾年，但係一直都冇機會嚟行吓。趁今日放假同男朋友一齊過嚟逛下，順便食個晚餐。 一嚟到餐廳坐低職員就即刻會幫你擺好晒啲前菜，我都係第一次食韓燒前菜可以多到圍住過爐，最重要係每一樣前菜你食完都可以添，款式之多，真係啱晒唔同人嘅口味。 而另外令我驚喜嘅係佢呢度提供嘅唔係清水，而係麥茶，而佢啲乜茶都好好飲，幫助解膩。順帶一提，呢間韓燒開咗喺空中花園隔離，而且餐廳都佔咗空中花園一個地方可以俾人喺戶外燒，所以個個都話呢間餐廳好chill就係咁解。 上網見到個個都話佢呢度嘅牛肋骨好好味，所以我哋今晚都叫咗嚟試吓。 佢呢條牛肋骨真係好長，性價比來講我覺得幾高，所以喺燒之前係需要剪開佢先。 因為我哋兩個唔係好識燒，所以都請職員幫手。見到職員好細心咁將條牛肋條平均分成三份。 燒熟左之後又再幫你每一份都在展開四舊，而牛肋肉都燒得啱啱好，咬開有好Juicy，最重要係成個過程我覺得佢好專業，好細心。 而佢展開嘅size啱啱好放落去生菜包嗰度，配埋佢哋嘅泡菜同埋醃製青瓜，真係又爽又好味。 另外我哋仲嗌左個是日雪下覓灸，其實就係當日廚師覺得靚嘅五個唔同特選部位。可以見到有啲會瘦啲，有啲肥啲，有啲會平均啲，而每一隻肉佢嘅肉味濃度都唔同，呢一款試晒咁多唔同部位啱晒我哋呢啲好奇寶寶。 另外清酒煮蜆就食得多，真露煮蜆都係第一次。其實佢係用咗韓國燒酒嚟煮，同樣都係清清地，煮嘅過程酒精已經揮發晒，唔會有酒嘅苦味。 另外我哋叫咗個韓牛泡菜炒飯，佢個炒飯真係好好味。啲飯做到粒粒分明，而且用咗珍珠米，每粒米都煙韌彈牙，配埋粒粒泡菜，口感好豐富，而且韓牛粒嘅份量都唔少，確係唔錯。 飲品方面我哋試咗個梅酒特調同埋菠蘿特調。梅酒特調主要就飲到梅酒味，飲落去酒精濃度比較高。但係菠蘿特調就菠蘿糖漿味濃，飲落去比較甜，啱晒女孩子飲。 最後就試咗佢哋嘅雞蛋蛋糕，佢個蛋糕面頭加咗少少蜂蜜，食落去比較甜，不過口感都算軟熟。柞木炭家地址: 旺角彌敦道700號T.O.P This is Our Place 5樓501號舖
