如果世界上冇左海鮮，你話我點算？作為一個為食既女孩子，我最鍾意食既就係海鮮。而蟹仙就係我既不二之選。為左仿傚２４孝男朋友，今日去左接男朋友收工，再帶左佢黎蟹仙食大餐。因為呢度有專人服侍,雖然當日只有一位職員，但絕對冇被冷落既感覺。怕唔知蒸幾耐都唔緊要，因為佢地會全程幫忙安排好蒸D咩同蒸幾耐，可以舒舒服服坐係度等食。 佢地既餐牌其實好簡單，分左幾個餐，食唔同既海鮮。因為我鍾意食個龍蝦刺身關係，所以我地就叫左一個"刁鑽海鮮餐"同埋"尊貴海鮮餐"。 一黎到，佢地先幫我地準備個粥底，佢地用既係珍珠米，用黎煲粥會比較綿。然後就開始我地既海鮮大餐。 頭盤係蟹黃青瓜，蟹膏味濃而且香，青瓜新鮮非常fresh，兩者加埋剛好調劑左個味道，而且唔會膩。 韓國慶南珍珠蠔，有職員幫手煮，控制好時間，熟既程度真係剛剛好。味道濃郁香甜，仲非常Juicy。 白雪雪八頭南非鮑魚，可能係因為新鮮關係，味道鮮且有彈性，咬多幾啖仲會散發出香味，必食推介！ 同埸台灣九孔鮑都唔錯架。 菲律賓大黃奄蟹，呢隻蟹有膏又有肉，一次過滿足兩個願望呀～ 琵琶蝦，呢隻龍蝦真係好小好小食，基本上行街市都好小見到，因為比較小有。 味道比一般龍蝦更濃，肉質更爽更彈，未試過既話真係唔好錯過。食完Ｄ肉，個彀仲可以拎去煲粥，真係小小都唔會浪費。 太平洋饅頭蟹，呢隻蟹真係生得好可愛，我男朋友仲話想拎返屋企養。呢種蟹又係好小可會係街市出現，因為生長速度慢所以量小。 而呢種蟹主要係食膏，比一般蟹海水味更濃，膏香滑鮮甜，鍾意食膏既話推介你地試試。 龍蝦刺身，出面其實唔多地方食到。肉質彈牙香甜，真係非常好食！ 而做完刺身既龍蝦身又可以拎去煲粥，而煲完仲有好大舊肉添。 而蝦頭中嘅蝦膏完美融入粥底，絕對係無與倫比既配搭。 食完海鮮，當然就係到集各種海鮮精華於一身既粥底！經過大約兩小時煲煮，粥底非常綿而且香甜幼滑，受惠於海鮮既精華做調味，真係會食到唔停口。 最後就係甜品椰汁官燕，甜度剛剛好，清新得黎好潤，好好味。 其實套餐入面仲有好多食物，包括大虎蝦、青口、刀貝等等，全部都係非常新鮮而且高質素。佢地仲要由頭到尾都幫忙煮埋，可以輕輕鬆鬆坐係度嘆海鮮，總括黎講，真係一個味覺享受。蟹仙海鮮蒸氣鍋 (仁愛街)地址: 新蒲崗仁愛街50號地舖
