之前成日聽啲朋友去食淥鼎記,今日終於同我去食啦。 嚟都門口真係俾佢個裝修吸引咗,真係幾中國特色㗎。 入到嚟個場都幾大,有好多張枱,呢間板同埋燈都好古色古香。 佢呢度係任食嘅,但係喺你開始任食邊爐之前,佢會俾你揀雞煲同埋酸菜魚,我哋就揀咗個酸菜魚先。 估唔到嘅係份酸菜魚會咁大份,而且魚嘅份量都好多,仲要啲魚片片都好大片同埋好滑,真係食完呢個酸菜魚都飽咗一半。 佢除咗有大量嘅酸菜同埋萵筍之外,仲有闊條嘅薯粉,好彩啲薯粉份量唔係太多,我唔係真係食唔到其他嘢,不過啲薯粉索晒啲湯都幾唔錯㗎。 食完酸菜魚我哋就揀咗個花膠湯底,入邊真係有好多塊花膠,絕對足料。 然後一嚟就上咗個海鮮拼盤先,佢個拼盤有海蝦、刀馬貝同蠔,啲蝦都好新鮮同埋彈牙。 然後我哋嗌左啲牛肉,啲牛肉都唔錯唔會太肥。 然後仲有其他好多唔同嘅配料自己可以出去拎,咁我覺得幾特別嘅係呢個韓國泡菜餃,入邊除咗泡菜之外仲有韓國粉絲,小小辣辣地都幾好味。 然後佢呢度除咗有普通嘅飲品任飲,仲有佢哋自己煲嘅竹蔗茅根,杯杯都睇到好足料。最重要係佢唔會太甜,啱晒打邊爐嘅時候飲。 最後因為上網見到呢度有一樣飲品幾特別,就係呢款熊仔奶茶,特別在佢將奶茶雪成熊仔嘅樣,啱晒貪玩又鍾意影相嘅我。淥鼎記地址: 觀塘觀塘道414號壹亞太中心8樓