平時出街食既烏冬通常都係白色既，所以係我既認知入面，烏冬係白色。 直至到我親身做過一次之後， 我就估計街買或者出餐廳食既烏冬，好可能係落左漂白粉。 自家製既烏冬煮完出黎係米白色架! 如果大家有時間既話，不論係夫婦／親子／朋友，都一齊試下整啦, 好好玩架！ :lol: 份量：4個 時間：4小時 (連2次發酵) 材料： 中筋麵粉300克 / 中筋麵粉250克+全麥粉50克 鹽5克 水130-140毫升 粟粉 適量 1) 將麵粉/麵粉+全麥粉過2次篩 2) 鹽加入水拌至溶解。 3) 水份分3-4次加入 原因是一次過加入，麵粉多多都吸得晒， 會出現有些粉粒好乾身,要用好多時間先搓得入主麵團! 所以一定要每次加少少，加上搓揉既過程， 先令水份慢慢滲透麵粉，令整個麵團能夠搓揉至光滑。 4) 搓揉至三光--手光、碗光、麵團光 唔會仲有一舊二舊粉O係手、碗和麵團 5) 入密實袋發酵30分鐘 6) 雙腳著好襪，地下可放一塊砧板／一塊布，以防滑倒 7) 首先密實袋放一個小口, 等踩落去果時唔會整爆個密實袋 8) 將麵團踩平之後(因為已發酵過,加上水份少, 踩平約需要3分鐘) 9) 拿出來圈成一條, 再捲放入密實袋踩平, 共踩10次, 需要20分鐘 中途會出晒汗!! 10) 很有彈性麵團再次放入密寶袋發酵2小時。 11) 完成第二次發酵之後, 麵團真係零毛孔,似BB肌 發酵2小時後,相當細緻幼滑 12) 用木棍壓平, 呢次需要好大氣力, 因為麵團已經完成發酵, 彈力十足! 壓到將2毫米左右的厚度 13) 在表面洒上粟粉, 用粟粉目的是麵粉不會吸收左之後變硬, 斤以不建議用麵粉洒上去 14) 對摺幾下之後就可以切, 請確保已落左足夠份量粟粉, 多D都唔怕! 15) 切晒就可以分成4份,包完保鮮紙再包密實袋, 放入雪櫃(保存3-4日), 冰格(保存1個月)。 建議放過入冰格既烏冬回一回溫先好煮, 否則一冷一熱好易碎! 試過就知, 自己壓既烏冬係好有咬口架!!!! 後記: 1) 每踩完一次, 可姒有兩個方法摺/捲起再踩 方法一: 對摺再對摺 點擊圖片放大 方法二:捲完再捲 2) 將麵團放上粉, 再用手棍捲起再碌, 可以變到好大塊 3) 250克中粉+50克全麥粉製成品
