久休之後第一篇分享文就係要分享我地既百日宴喇!!!BB係3月6號出世，所以我哋一早已經訂咗係6月10日（星期六）舉行百日宴。 上網睇過好多資料，但係發現好多都只係介紹場地佈置，而分享場地嘅文章就唔係咁多，最後我係一D佈置公司既IG搵到一間The One 既西餐廳，俾左一半訂金，諗住終於安樂哂！點知…..係5月中突然間收到餐廳結業嘅消息，仲要係o係佈置公司口中得知，估唔到繼BC之後，我又成為一個苦主。當時既要追討番訂金，又要急住搵新場地，真係好崩潰，好彩最後搵到呢一個場地，不論服務、環境同食物都好滿意，親友都讚不絕口，趁着產假到最後一日，決定寫呢篇文章同大家分享一下呢個百日宴場地！ 我地預算賓客既人數唔多，只係70人左右，但係我唔想要間板既廳房，想要個台可以放backdrop，又想要有窗，有足夠既光線。呢度真係完全滿足晒我嘅要求….我哋係食午宴，餐廳早上10點就交場俾我哋做佈置…呢個場地係年頭先至開業，所以裝修都好新淨….正正方方，冇乜柱位，擺8-10 圍都無問題。加上佈置公司既佈置～真係好可愛呀！ 職員仲俾咗個好大既新娘房俾BB換尿片同餵奶….不過當日太忙，所以無影到新娘房既相。食物賣相同質素都好好，乳豬用鐵板上，熱辣辣好特別～職員好有禮貌，切蛋糕，免費泊車嘅安排，都安排得妥當。 至於佈置方面….我上網搵過好多間唔同嘅佈置公司，雖然好多都靚，但價錢就太貴～最後俾我搵到呢一間，佢會就番你既Budget去做設計….覆得好快，好有交帶。 除左backdrop，佢哋仲有e-invocation card既服務～好貼心….最後隻大笨象同獅子，我仲拎左番屋企仲擺設添！ 場地：潮。囍薈佈置：Ballooner_three以上全部都係自費分享希望可以幫到各位煩惱緊搞百日宴嘅媽媽啦！-----------------------------------------------------------------------------------------------------如有任何查詢，歡迎留言或電郵聯繫。Makiyo.B E-mail : makiyo_yeung@yahoo.com.hk
