龍脊曾經被CNN推薦的行山路線，景色勁靚，海天一色，飽覽整個石澳、大浪灣、哥爾夫球場、赤柱紅山半島等⋯上一次行龍脊已經是4年前，其實上一次行都已經覺得景色好靚，不過可能太多人，龍脊又多沙石，空氣會飄浮住D黃色沙塵，但今次行龍脊天氣十分好，藍天無雲，加上唔係太多人，上到山都唔駛企一邊讓路，影相都舒服好多。 由筲箕灣出發A2 出口出發，過對面巴士總站搭9號巴士 大約15分鐘車程到達土地灣落車，起步位置有流動廁所，當日去都算乾淨 初初上山路都以樓梯為主，山上無補給，所以要帶足夠水和食物，防曬都好重要，就算當日有風唔係太熱，但太陽都幾猛烈，又無咩樹可以遮掩 大約行10分鐘到第一個影相位 再行多10分鐘樓梯有一個龍脊觀景台（之前好似唔覺得有） 再行多10分鐘又到一個影相位，要去大石影相位要往右行 點擊圖片放大 +6 離開大石影相位後，要沿路出返分叉路轉左行，就可以到【打爛埕頂山】 沿途都會見到赤柱紅山半島，石澳、大浪灣及哥爾夫球場 不過比起初初上山的路會較多沙石 點擊圖片放大 +2 由大石影相位行到打爛埕頂山大約30分鐘 再向前少少有一個觀景台 觀景台 今次係快閃，所以選擇原路落山，落山大約用了35分鐘 點擊圖片放大 每個人體質不同，行山要因應自己的能力而行，量力而為 以上純粹個人感受及分享 全程：大約4公里 時間：約3小時（連休息影相📸️）
