襯住秋天， 天朗氣清， 一早去新落成嘅東岸公園行下 要去東岸公園， 可以由炮台山站A出口出發 上到地面， 即刻過對面馬路 過咗馬路後， 係左邊馬路繼續行 向前行到下一個街口， 會開始見到東岸公園嘅指示牌 之後可以過對面AIA Tower, 再沿指示牌方向前進 去到下一個街口後， 會發現無任何指示牌， 其實可以過去對面油站繼續前行， 千祈唔好轉入去入面，因為係窟頭路 過咗對面油站繼續直行去到下一個街口， 就會見返東岸公園嘅指示牌 見到大快活對面的街口， 就可以轉入橫街直行到尾就會到達 公園入口點擊圖片放大 公園面積其實唔大， 但因為臨海而建， 所以風景好遼闊， 由鯉魚門到西九文化區都可以望到點擊圖片放大 +2 一大早遊人唔多， 所以長櫈都無人坐 公園嘅另一邊亦有d波浪型嘅長櫈， 比人訓下， 曬下太陽 類似千本鳥居嘅門廊 亦有高過個人嘅Victor Harbour裝置， 比人企埋去打卡影相點擊圖片放大 可惜當日通去防玻堤盡頭嗰個中環灣仔繞道通風口封咗唔比人行出去， 所以唔可以近距離同佢影相 公園全景 總結：由地鐵站行到公園約10分鐘。 公園仍然在擴建中。 園內有廁所， 但無任何飲品食品售賣。 如果要去野餐要係地鐵站附近買咗先好去以上純粹個人感受及分享Blog：https://mibloghk.comFB：https://www.facebook.com/mibloghkIG：https://www.instagram.com/mibloghk/
