三支香位於青衣南邊，三支香之所以稱為「三支香」，原因是其有3座由南至北排列的山峰，從遠方觀看就像三枝香一樣，由北峰、中峰及南峰組成。我哋由北峰（細山）開始出發，由青衣西路青華苑巴士站旁出發，起步點有一個青衣細山步行徑牌，沿路上行大約15至20分鐘樓梯，望出去嘅景已經好開揚。 沿路上樓梯有涼亭休息，過咗涼亭會有一條標高柱，當日無影到標高柱就走左 青馬大橋 過咗第一條標高柱後，大約行10分鐘就會到達中峰，見到大石刻住三支香中峰 日落時間，遠望馬灣海峽金光閃閃海面 沿途都係一D鋪好嘅樓梯，上上落落，慢慢行唔會好辛苦 由中峰大石行到南峰大約20分鐘，見到呢支標高柱就知道到左南峰啦，南峰係三支香最高，但係3個山峰最平嘅一個 南峰個景簡直無得彈，天氣好的話，整個葵涌，九龍到尖沙咀，遠至港島山頂都見到點擊圖片放大 最後我哋無選擇沿路落山，絕對係一件蠢事，因為南峰尾有一段山路落山，不是正規路線，一定要睇清楚地圖，如果唔係就好似我哋咁行錯路，天黑先落到山，都幾危險。剛剛落山都覺得唔係好難姐，草叢＋斜泥沙路，仲有D大石比你影吓相添。點擊圖片放大 +2 過咗大石春花落，就係我地行錯路嘅開始 夕陽無限好 Sir落去咁行，難度增加 最後唔知點解行到去南灣隧道個頂，近距離欣賞昂船州大橋 行咗差唔多60分鐘先出到黎青沙公路旁，沿路行返出美景花園 全程：約3公里時間：約3小時（沿路落山應該唔駛咁耐，連拍照時間）以上純粹個人感受及分享Blog：https://mibloghk.comFB：https://www.facebook.com/mibloghkIG：https://www.instagram.com/mibloghk/
