隻隻護膚品都話自己有乜乜成份點勁點勁，計我話都嘥氣！最緊要係work!好！咁就等我依隻千年熊貓會會你，睇下你有幾勁！！ 攞1粒黃豆咁嘅size，肉肉地色，有啲似遮瑕霜 係雙眼嘅外圍印開左之後再推開，質地好薄、好順滑易推，感覺好水潤亦唔笠 俗語有話雙眼出賣你嘅年齡，無論你有幾靚嘅肌膚，只要雙眼一有黑眼圈、眼袋、細紋、浮腫,仲等等問題，實比人覺得你勁殘兼謝爆，所以眼底肌膚嘅問題不容忽視，BIOTHERM 全新嘅活肌醒膚眼霜標榜主力撃退5大倦眼元凶（黑眼圈、眼袋、浮腫、眼紋同下垂眼瞼）。 本身我隻熊貓眼已經好深好勁，用過好多隻眼霜都唔得，但今次只係試用咗3日（早、晚揸），黑眼圈、細紋都明顯少咗，上妝都冇以前咁遮餐懵！成個人明顯醒哂！勁!!
