最近老公响世貿泊完車出嚟見到Tower 535‘’棽粵‘’高級粵菜館嘅電子廣告牌，趁weekend一家人去呢間餐廳食個午餐。 一向對食有要求嘅我，鐘情食物有質素，環境格調高雅嘅餐廳。一嚟到棽粵真係覺得好合我心意，餐廳獲米芝蓮一星，部份座位面向維港海景，餐廳裝修雅致環境高格調，侍應服務殷勤有禮，好比酒店中餐廳。點擊圖片放大 見到個Menu樣樣都想試，一於叫兩個“中午點心套餐”咁就可以試多幾樣唔同點心。 ▫️蟹王蒸燒賣 ▫️菜苗帶子餃 🥢一口咬落去燒賣度鮮甜嘅豬肉汁爆晒出嚟。 ▫️百花釀魚肚 ▫️海鮮酥 🥢魚肚吸晒啲汁特別好味 ▫️蜜汁义燒腸 🥢玻璃腸粉，每片都又薄又滑。▫️和牛生煎包 🥢精彩•侍應開蓋前圍住蓋面淋上酒，熱鍋一開蓋蔥香撲鼻；用和牛整嘅生煎包堅係正，和牛入口即溶架！▫️上湯煎粉果 🥢平時我唔食粉果，呢款煎粉果令我對粉果嘅印象改觀，外皮香脆配埋上湯食感覺無咁熱氣。▫️黑松露蛋白炒飯 🥢仔仔連食兩碗～黑松露炒飯好香，每口都食到黑松露味道。 甜品 ▫️清香竹葉角 ▫️紅棗糕 🥢平時我好怕食呢類糕點甜品，因為好怕佢整得過甜，呢兩款唔甜同埋好煙韌，咬口一流。🥢額外叫咗👍餐廳招牌菜 ▫️燈影煎堆 🥢除咗打卡靚之外，即叫即整食落又香又脆，個皮整到相當薄，老公激讚！食飽飽行去廁所時先發現餐廳有戶外座位，面向維港海景，遲啲涼涼哋要再嚟呢度歎番餐！點擊圖片放大 ▫️▫️▫️▫️▫️▫️▫️▫️ #棽粵 #中菜 #粵菜 #高級粵菜 #銅鑼灣粵菜 #銅鑼灣美食 #米芝連一星 #銅鑼灣 #Tower535 #TheSummit #點心 #粵式點心 #海景粵菜 #海景餐廳 . . . #beautyblogger #hkmom #hkmama #hkinfluencer #hkmama #kidsblogger #hkfood #hkfoodie #foodie #lifestyle #親子blogger #香港BB
