炮台山食店何其多！ 成日經過【茶東西】排隊條人龍長到都無機會試，今日見排隊無咁多人就入嚟試下😋 餐廳環境簡潔光猛，牆上掛滿卡通手繪漫畫，仔仔好喜歡。 坐底打開menu睇睇，午市有4款選擇價錢都係六十幾蚊左右，仲有常餐同滑蛋蓋飯選擇。 我地叫咗一個常餐同滑蛋蓋飯。 常餐 $50 蕃茄薯仔牛肉汁湯通粉 火腿滑蛋牛油吐司 ・通粉個湯底好正，夠晒香濃。 ・吐司香軟，滑蛋香嫩顯出廚師功架。 滑蛋蓋飯$55 ・有三款汁可自選兩款汁，我選咗忌廉奶油雞肉汁+北海道咖哩豚肉汁，兩款汁各放一旁中間夾著滑蛋飯，一碟飯可以有三款不同口味，十分滿足。 另外加配咗手打吉列蝦堡 $25 及 安格斯牛肉漢堡扒 $20，大推手打吉列蝦堡，炸到外脆內軟，蝦味及厚度都十足，一試難忘。 茶東西 - 炮台山
