假日想輕輕鬆鬆呼吸下新鮮空氣，一家人去科學園行下。 第一次去科學園，漫無目的地行，首先梗係搵食緊飽個肚先！仔仔見到呢間餐廳“動物造型點心”雙眼發晒光，就決定食呢間！ 餐廳走新派中菜路線，菜式造型用心，好多都打卡able。點擊圖片放大 我地叫左農莊包點、金鉑蝦餃、山寨义燒、蜑家水果粟同埋熊仔芝士餅。 ♡農莊包點 ▪︎小雞同小牛包，造型可愛，小朋友一定鐘意。 小雞-义燒包 小牛-朱古力流心餡包 ♡金鉑蝦餃 ▪︎平時食開嘅蝦餃係半透明白色皮，呢度嘅蝦餃用上藍色、粉紅色和橙色皮，面層有啲金鉑，賣相貴氣又不失玩味，蝦味新鮮特出餡料足。 ♡熊仔芝士餅 ▪︎熊仔奶凍襯托下住芝士餅，眼睛為之一亮，熊仔好可愛呀！食完咸野再食埋甜品真心大滿足。 ♡餐廳現正推廣，每兩位入座送乳鴿一隻。大大隻乳鴿，皮脆肉嫩，咬開爆汁。 ♡環境 裝修佈置充滿特式，餐廳有室內及室外位，我地住室外位置秋風送爽，望住外面美麗風景，胃口都好啲。 農 ▪︎科學園
