趁仔仔考完試就同佢食好d慶祝下! 經過大將見到門口個將軍公仔咁搶眼~我地就比佢吸引左,睇睇menu一人一鍋午餐火鍋放題,限時90分鐘,啱晒鐘意打邊爐嘅我地,let's go! 午市放題套餐有6款選擇,價錢分別由$158-$258 (小童價格由$88-$138) 我地點左🍽北海道十勝豚肉套餐 $208 🔸️跟餐配北海道五花肉、北海道梅花肉、雞肉。 🔸️仔仔好鐘意食北海道五花肉,每塊肉肥瘦各半,切得薄薄長長,入口鬆化即溶。 🔸️除呢3款外,仲有另一款五花肉、美國極上牛及豚肩肉,共六款可無限追加。點擊圖片放大 🍴九款湯底可選 我選了德川大將王豚骨湯(加$18) 🔸️豚骨湯味濃配上大大舊豬軟骨,淨係食呢舊又大又淋嘅豬軟骨已經令肚皮十分滿足。 放題套餐仲包埋小食/菜/飲品/甜品。 種類繁多,男神媽媽精選推介⬇️ 小食:炸雞-香口鬆脆,開胃之選。 甜品:軟雪糕有三款口味,雲尼拿,朱古力,混合口味,食完火鍋來一杯透心涼雪糕,完美! 飲品:多款樽裝涼茶、汽水、Fuse Tea,最驚喜係🥳有部咖啡/奶茶/朱古力奶機。 試左杯熱奶茶,奶同茶份量適中,飲得出有茶味,唔會過甜。 環境👍 餐廳地方大,樓底高,裝修別緻,檯與檯之間距離恰當,不會太近。 服務👍 侍應有禮 餐廳利用送餐機械人送餐,十分特別! 大將-將軍澳PopCorn