近排Times Square長期人山人海，食店更是大排長龍，拎住coupons食飯相等於半價消費梗係吸引啦！ 晚市時段🍽响Times square搵食，醒目tips~預早訂位同埋早d食。 早早book定位～星期六响Banchan & cook同仔仔開餐🍽 仔仔最愛食蛋包飯 🥢鰻魚蛋包飯 $145，大人小朋友都啱食。 上檯時，睇住侍應响我地面前用刀切開蛋包飯一刻超級治癒，一切開內蛋汁隨即向四方八面流出蓋住整碟飯😋😋 鰻魚肥美配上豐富鰻魚汁，加埋蛋包飯上面嘅半生熟流心炒蛋，啖啖蛋香撈飯一流。🥢燒醬油黑毛豬白切肉配大醬生菜 $182 廚師擺碟靚，上檯賣相一流！以生菜夾住大醬以及肥瘦層次分明黑毛豬黎食，滋味到極！🥢韓式炸雞 （半份）$128 脆脆炸雞，熱辣辣上檯，底層原來有跟埋薯條，小朋友大愛。 下次叫埋一大班朋友黎食啱晒！🍰甜品：巴斯克芝士蛋糕 $45 食完咸野，食d甜野，一餐完美作結。芝士蛋糕上有滑滑cream配埋新鮮水果，濃厚芝士味嘅芝士蛋糕，濃而不膩，大滿足嘅一餐。飲品 凍朱古力 $42 玫瑰紅桑子沙冰 $48 必試～特式沙冰飲品，天氣咁熱，飲完感覺透心涼。Banchan & cook #銅鑼灣 #韓式餐廳 #蛋包飯 #韓式餐廳 #韓式輕食 #招牌蛋包飯 #咖啡 #hkmom #hkblogger #kidstagram #hongkongmom #hongkongblogger #KOL #kidsblogger #FTMlife #hkmama #hongkong #beautyblogger #hkfood #hkfoodie #foodie
