朋友係愛麗絲鐵粉,所以一知道係香港開了以愛麗絲爲主題的Cafe,在一個月之前就已經BOOK位期待這個夢幻的晚餐。 由開門到以古文獻卷佈置的通道、天花板上的迷你鋼琴、指示牌等都很有愛麗絲feel。 一入去,哇,被小小的餐廳嚇到(容納到20幾人左右)。 門口右手邊就係該店最大的賣點--綠草background的backdrop呃Like影相位,另外提供一些pros(皇冠、啤牌等)比大家拍照。 餐廳雖然麻雀雖小,但佈置都很用心,令人真的置身於愛麗絲的夢幻世界。 可惜,讚的地方就到此爲止。 事前沒有做準備功夫,看到menu時都有少少shock。 一人餐$238 (主菜限意式蘋果燴意大利飯),二人餐$598 單點一個main都要$148-$178 hmmm,非常non旺角樓上cafe的價錢。 我地一行7人,首先到達的4人就點了2 sets 二人餐。 一個選了 《Down the Rabbit Hole(鮮製菠菜忌廉雞肉長通粉)》 另外3人都選了《Looking Glass House(白酒煮紐西蘭藍青口意大利面)》 Starters 就分別選了 龍蝦濃湯 & 香煎雞肉豆腐芝士沙律 小小的用杯裝的《龍蝦濃湯》,美觀就美觀。但喝起來不方便。 朋友話好飲,sorry我覺得似係日本買的即沖湯咯。 雖然唔覺得雞肉有煎過,但意外地香煎雞肉豆腐芝士沙律算幾好食(全晚最好吃)。 《Down the Rabbit Hole(鮮製菠菜忌廉雞肉長通粉)》 都合理,味道夠,足料。 《Looking Glass House(白酒煮紐西蘭藍青口意大利面)》 簡直嚇死人。意大利面的分量雖然大碟,但sorry,淡而無味。 是不是3碟一起煮但用了一碟分量的sauce?我只吃到意大利粉本身的味。 大大碟意粉只有4小粒藍青口,早知就留沙律的雞肉配面, so sad。 飲品分別叫了:凍巨峰提子梳打、凍水蜜桃乳酸梳打、凍青蘋果梳打 與 Rose Latte 中規中矩。有藍蝶花係靚的,但that's it。普普通通。 甜點每個set有一個Alice Cupcake同一個蛋糕(是日:荔枝軟心雜莓慕絲蛋糕) 兩個甜品都幾好食,尤其係Alice Cupcake有倒插的Alice腳,好得意,當然要輪番selfies啦(笑) 食物質素一般,說真的事前都無期望(雖然發現是這個價位後會稍稍覺得唔抵) 比較令人失望的低於水平的服務。 1)到達餐廳後告知我地有訂枱,之後無人理會,至少可以告知一聲執枱之類?! 2)問攞1杯水都要問幾次先有 3)某員工衣著我以爲到了旺中樓下賣浦衫的地方。雖然無要求有特別制服打造愛麗絲feel,但至少也要整齊吧?大大件露背上衣,後面露出成個bra,哇係街到見到我都嚇一嚇,何況係餐廳侍應? 4)最正真係最後找錢,我地7個人total找錢$44蚊(分開兩張單,一張找$6,一張找$38),剩係找了$4,我地覺得奇怪究竟係找緊邊張單,問返個侍應,再問大露背,唔知係覺得我地呃人定點,最後居然找了—— 全部散紙! 話無紙幣喔,開頭都唔爲意就收下了。諗諗下唔對路,我地其中一張單都比左3張$20,點會一張紙幣都無?(而且他們只接受現金) 哇,其實我係咪去左街邊檔,旺中的sales都無咁低手啦。 愛麗絲的秘密花園,靚就靚(但又沒去到呢個價錢的靚) 這般的食物質素,這般的服務質素,sorry,下次真係請都唔會去。 愛麗絲的秘密花園 地址:油麻地彌敦道577號高氏大樓6樓B號舖 電話:6595 1177 營業時間:星期一至日: 02:00-23:00 是日消費:每人約$299 以上。 * 文章分享内容純為本人之個人意見。 如有產品或服務試用合作,可聯絡mag→ yeah_panda@yahoo.com mag的FB Page: https://www.facebook.com/cestmag