呢間Ziam Spa係同事介紹的, 雖然細細間, 但性價比高. 由於前一晚係Health Lanna Spa按得唔好, 所以第二晚諗住來Ziam Spa再按過, 點知full晒, 所以雖然第二日傍晚就要離開清邁, 都book左一朝早要再按過. 唔知有冇人好似我咁, 其實並唔係好好按摩, 但按左個唔好的, 就梗係要按番個好的補番數. 就好似行街其實係一件好攰的事, 所以每次行街都一定要有收穫, 唔係就覺得蝕左. 點擊圖片放大 入到間舖頭度, 又俾杯水你飲, 跟住填form (都係邊度攰d, 邊度要加強果d), 浸住腳咁揀精油(我做的係身體磨砂+精油按摩). 入到房, 竟然有個浸缸, 入面仲有玫瑰花瓣, 不過我地無時間再慢慢浸啦, 啦啦聲沖一沖身就開始啦~ 成個過程都好舒服, 力度亦適中. 按完出來又會有杯茶俾你飲, 係蜂蜜薑茶, 薑味唔會好辣隻, 仲有蜂蜜的清甜, 淡淡地但夠味. 舖頭仲有呢隻蜂蜜薑茶粉賣, 我都買左包返來, 諗住冬天可以飲. 最正係呢個粉入面已經有晒蜂蜜同薑茶, 每次一匙(鍾意濃味d的可以2匙), 就可以完整copy番舖頭沖俾你飲的味道. 出面好多薑粉都係要自已加糖或者蜜糖, 咁又要另外準備, 擺得耐又驚過期, 你知啦, 方便對香港人來講, 係好緊要架嘛. PS: 係呢度按2hrs仲平過去Health Lanna Spa按1hr, 聰明的你實識揀啦, 但係記住一定要book呀, Ziam Spa好細間, walk-in實無位.
