今次清邁清萊之旅, 主要係參考左facebook 廢氏清邁私生活, 係入面揀想去的景點, 最後都係廢氏度租左2日包車 (強烈建議大家計劃去清邁時, 可以睇睇廢氏的介紹). 由於成班女仔唔好叢林活動, 某d又唔行得, 怕攰又怕曬 (其實點解要去清邁呢@.@).. 但又想係咁已都去下郊外, 所以包車係最好的.同埋泰國包車我好少見係5人私家車, 通常都係7人車或以上, 所以如果人多的話, 包車都好劃算, 時間又可以自已分配. 不過如果只係清邁古城入面, 或者去下寧曼路, MAYA商場果d, 咁直接坐雙條車就得架啦. 一開始我都有d 擔心同司機會唔會溝通唔到, 去錯地方落錯車, 但事實擔心係多餘的, 出得來玩就放寬心啦. 如果都仲係擔心的話, 可以預先係網上download相, 或者地址, 到時show俾司機睇. 去完清邁後, 我發覺我都幾鍾意呢個地方, 真係好hea好舒服, 就算係遊遊區都唔會好商業化. 我之前都去過曼谷, 芭堤雅, 布吉, 如果下次再去泰國, 我會選擇清邁. PS: 寫呢篇文主要係想多謝廢氏, 因為第一次去清邁, 完全無idea去邊, 廢氏真係幫左唔少忙. 最後亦令到我對清邁的感覺好好, 我會再來的.
