呢個8月的清邁, 清萊之旅, 終於搵到時間記低佢啦~ 之前claim保險的post都有講過啦, 本小姐真係貴人來架, 成日出門都招風雨, 今次仲係10號風球呀, 航班delay左13個鐘呀 (保險賠左hkd600). 原本諗住到左清邁仲可以悠悠閒閒咁行下街, 食下街. 跟住第二日book左local tour去清萊. 去清萊有好多唔同的旅行社都有package, 我最後揀左係淘寶訂, 因為最平. 有d人亦可能會選擇去到當地再考慮, 但我第一次去清邁, 好多野都唔係太清楚, 所以plan好晒就安心d. 點知最後係第二日的凌晨至到囉, 跟住果朝7點已經要出發去清萊, 好彩車程有番咁上下 (around 3hrs), 都仲可以好好地補個眠. 廢話唔多講, 第一站黑廟, 去片~~ 點擊圖片放大 +11 個導遊姐姐仲送左每人一袋波蘿仔, 好清甜, 一個人食晒一袋都唔漏. PS: 除左我地團, 其他遊客都每人手拿一袋, 應該係間間旅行團都有. 我之前參加曼谷local tour, 又係有免費生果食.
