Do姐話"旅遊保險傍身, 出門更加放心", 去旅行梗係要買旅行保險, 但究竟上網買定搵經紀佬買好呢? 相信大家都會有自已的選擇, 我就岩岩經歷左人生第一次claim旅遊保, 所以想同大家分享下. 其實公司係有幫同事買全年旅遊保的(藍十字官網買), 因為基本上每個星期都要出差, 有時去日本, 但大部分都係去深圳工廠. 二小姐我係唔需要出差的, 所以我每次去旅行都要買保險. 一開始係上網買(HSBC), 貪方便嘛. 後期唔記得點解轉左同保險佬(保誠)買. 年年去幾次旅行, 保險都買足咁多次, 但直至今年9月, 我終於第一次claim保險啦. 話說8月尾, 我去清邁旅行, 就撞正10號風球, 無錯就係"杜鵑"啦. 班機由原本早上10點幾改到翌日凌晨1點幾(足足delay左13hrs), 最後保險賠左600蚊 (首5小時200, 之後每8小時400). 之前都有聽同事講過, claim保險好麻煩, 尤其係上網買果d, 因為無專人跟進, 填好form直接交去銀行, 之後又會收到email話漏呢樣漏果樣(明明已交齊, 都唔知去邊度死番張"正本"俾佢), 有試過收到email話補交申請表, 真係吹脹 (無交申請表, 你又知有人claim保險, 又有email識得搵果個人補form). 但我第一次claim保險就好順利, 張form經紀佬填, 我只係簽個名, 交左delay email俾佢, 唔使一個月就收到支票啦. 雖則買保險都係以防萬一, 但有萬一, 就有claim的機會, 有專人跟總好過次次要打去hotline, 當然都要個經紀佬有交代啦. 大家又有冇d claim旅遊保的經驗可以分享下? 利申: 唔係幫保誠買廣告, 自已亦都唔係做保險呢行.
