食肉獸2.0出動~ 由於中午果餐燒肉只係食左豬肉, 梗係覺得爭咁d野, 所以決定夜晚再食多餐韓牛燒烤補番數. 住在西面, 食在西面, 揀左呢間新韓流時代, 個老細親自係門口拉客, 見佢咁好笑容, 門口又話有中文翻譯, 就入左去了. 因為想食d靚少少的韓牛, 所以可以溝通係好緊要的(對韓牛無認識, 想老細介紹). 但原來老細中文水平好一般, 最後變左英文對答. 見到餐牌上面果d韓牛都好一般, 就上網搵左d相來問, 老細專登帶我地去雪櫃睇"牛", 講解唔同牛的部分, 最後點左1款餐牌的+2款老細推介的. 點擊圖片放大 +3 食完只能講句, 真係一分錢一分貨, 靚野食落口真係唔同d. 但建議大家食靚野, 都係叫老細為你服務啦, 我地頭兩塊燒得太耐, 老細後來睇唔過眼, 親自動手幫我地燒, 又果然係唔同d. PS: 特別想提一提, 釜山的蔬果真係清甜d, 除左我地買左d金瓜, 桃係酒店之外, 呢餐個菇都好好食, 忍唔住加單.
