去到日本, 無理由唔食拉麵, 我今次揀的就係呢間啦 - 薩摩之子. 舖頭細細間, 望入去得兩排, 一排面向師父, 一排有3張2人枱. 仲有個小閣樓, 都係得3張枱 (我今次就坐左上閣樓). 全店只有一種拉麵 (oh sorry, 其實係2種, 就係拉麵同叉燒拉麵)@.@ 我地叫左2碗叉燒拉麵, 再加一碟叉燒拼盤 (因為一般拉麵店叉燒都只有2片), 同埋啤酒. 來時發現呢度的叉燒唔係薄片, 係厚切(似半肥瘦燒肉), 同埋分量都唔少. 雖然個叉燒幾好食, 一d都唔肥膩, 但我地2個女仔真係食唔晒, 所以最後個拼盤係有食剩的, 自已都覺得有d唔好意思. 一直都覺得食晒d野係對廚師的一種尊重及肯定, 咁今次就賴落同伴度啦. 點擊圖片放大 如果我話薩摩之手係我食過最好食的拉麵, 你地可能會覺得誇張, 但我真係咁諗. 所以大家去旅行, 除左大路果d外, 其實都可以試下d細細間的舖頭, 話唔定會有意外驚喜.
