還記得, 讀完書出來工作後, 第一次外遊就係去台北. 咁多年來, 去左台灣無10次都有8次, 大部分都係經桃園機場, 但竟然從未試過係機場食野. 無計啦, 係台北要食的野實在太多, 次次都係捧住個肚去機場, 同埋固有印象都係機場d野(仲要food court), 肯定又貴又唔好食. 今次陰差陽錯下, 又被我食到好野, lucky~ 勢估唔到原來機場food court個牛肉麵勁好食, d牛肉又淋又入味, 好食過師大夜市果d多多聲, 個跟餐配菜都好好味. 至於價錢方面, 咁機場當然無得同市區比, 但其實差幅亦唔算多. 下次再有機會, 我都想再食多次呢個牛肉麵, 大家有時間的話亦可一試.
