嗰日同朋友喺旺角行完街，想搵個地方坐低下計，朋友話附近有間Cafe唔錯。 餐廳位於登打士街恆威商業中心，坐電梯到9樓就到。 環境舒適，啱晒同朋友上黎傾下計。 多款休閒套餐可供選擇，而且價錢超值。 黑醋沙律煙三文魚配法包 沙律菜新鮮翠綠，配上黑醋非常健康，煙三文魚口感順滑，帶煙燻風味。 蜜糖雞翼 外皮香脆，內裏肉嫩多汁，加上蜜糖味道甜甜地，非常美味。 芝士薯條 薯條脆口，芝士味道特別，薯條沾滿芝士，食到停唔到口。 意式肉醬意粉 蕃茄味濃, 味道酸酸甜甜，意粉口感彈牙。 北海道雪人（菠蘿+芒果） 菠蘿和冰芒果味道十分配合。 榛子朱古力 濃郁朱古力，加上細膩榛子，加上雪糕，啖啖幼滑。 還有大量Board Game, 最啱同朋友一齊上黎玩，店員還會細心講解玩法。
