香港現在人多車多,坦白講想搵一個寧靜的地方吃一餐飯都唔係十分容易嘅事,不過有心搵又不是難事,好像這天跟幾位好友來了一場寧靜的午餐,地點就在灣仔 船街的一角這間餐廳名字叫QMO 。 QMO是間富現代感的西餐廳,結合美食跟美酒的薈萃,就算一個午餐亦可以盡情享受箇中樂趣。 先來精緻頭盤Octopus Carpaccio with Potato Vinaigrette$148,八爪魚薄片吃下軟滑兼富咬口,配上滑嘟嘟的薯蓉和超可愛嘅波椒,做前菜確挺可口呢。 第二味係三重奏Hokkaido Scallop Trio Comb$138,大廚將北海道帶子幻化成三款型態奉客。 第一款係帶子他他,帶子本身質感已經是黏糯,造成他他後變得更加纏綿,但亦無損他的鮮甜香氣。 第二款係帶子Mousse聽完負責人介紹我頭頂出咗好多問號??Mousse比我從來的感覺都唔會係條狀,但原來餐廳將帶子造成Mousse後再造型,令到賣相更加特別,但係入口就有Mousse的口感,確實係有花心思的。 最後一款就係燒帶子,只係輕輕將表面煎香,內裏還保持半生軟綿狀態, 還是喜歡這質感的帶子。 這兒的麵包也軟糯可口用來點以下的菜簡直係絕配。 Mussels,Shrimps,Tomato Pot-Au-Feu with Fried Whitebait $208,鮮茄濃汁內載滿青口,蝦肉配上可愛的炸白飯魚夠晒特別啦啩! 味道挺鮮濃而且內裡的青口,蝦肉亦夠鮮味,用白飯魚沾汁來吃好滋味呢,但我更愛用麵包來欣賞它喔。 Porcini Portobello Mushroom Risotto,這個燴飯香氣撲鼻,吃下那菌香真的很迷人,如果飯粒能添米骨我必定給分它 Silky Chocolate Mousse$78,從來愛吃朱古力慕絲這個出品夠晒幼滑,朱古力略甜,但有焦糖香蕉的輔助又變成美事。 Creame Brulee Eith Raspberry$78,燉蛋蛋香不俗,質感滑溜係略嫌焦糖較少,欠了點朝氣! 最後嘆杯凍檸檬茶再跟好友傾傾講講,又歡愉了一個中午真的寫意萬分,自此我喜歡上了船街,喜歡上了QMO。