難得唔洗湊Gavin一日~媽咪梗係搵埋朋友仔一齊食晚餐喇!好耐無食日本野喇...今次黎到位於尖沙咀厚福街既一間日本料理餐廳-德美壽司~餐廳以新鮮同埋高品質既壽司而出名,係屬於中價位日本菜,款式應有盡有,味道又唔會馬虎。 -德美海膽魚生飯呢款係招牌魚生丼,有海膽、三文魚、帆立貝、油甘魚、蟹籽、三文魚籽、蝦、蟹柳,超豐富啊~玉子燒印上【德美】兩隻字~好精緻!整體魚生飯味道濃郁,每一啖都係享受~ -壽司類今次我地order左油甘魚壽司、帆立貝壽司同埋媽咪好好好鐘意食既火炙左口魚壽司~油甘魚食得肥美無筋,帆立貝大大隻不過不失,左口魚壽司魚油口感豐富,鐘意食既一定要order~ -三文魚腩刺身一份有六件,大大件魚腩~油脂豐富,好滿足! -洋風鰻魚班戟呢款係和洋fusion既一品料理,一份有四件~用左軟綿綿既班戟皮代替紫菜同埋飯,再包住牛油果、芒果、鰻魚、南瓜加埋沙律醬,酸酸甜甜好開胃呀~ -清酒煮蜆今日天氣有啲轉涼,我地決定叫一個熱辣辣既鍋,所以揀左清酒煮蜆。清酒味唔會好濃,但蜆肉好肥美,我地一隻接住一隻咁食,好快就清哂食鍋蜆~ -手卷類我地分別叫左帶子沙津手卷同埋海膽手卷,如果曾經食到好難食既Uni可能真係會以為都怕左....但今次食到既海膽都好鮮,不過手卷建議快少少食,始終紫菜擺得耐會開始淋~ ~估唔到仲有飯後甜品,今次係芒果奶凍🥭芒果醬唔會好假,奶凍Q彈彈咁好好味~ 餐廳裝潢以日式木門及窗棱設計,座位舒適而且用餐環境優雅,令人可以好舒適咁傾計,成間餐廳都好熱鬧~仲有客人帶左清酒坐係Bar枱用餐,感覺好似置身日本咁,氣氛好好呀~臨走見到有BB櫈,下次帶埋Gavin一齊食!德美壽司 @tokumi.sushi尖沙咀厚福街8號H8 5樓點擊圖片放大 +2 @kola_pr其他平台:Instagram: https://www.instagram.com/hellodearmaggieeFacebook: https://www.facebook.com/gavincheukhimBlogspot: https://gavinmama.blogspot.hk/Ublog: https://blog.ulifestyle.com.hk/maggielittleworld小紅書: https://www.xiaohongshu.com/user/profile/5ff068b1000000000100434a?xhsshare=CopyLink&appuid=5ff068b1000000000100434a&apptime=1704788622Trip.com: https://hk.trip.com/moments/detail/hong-kong-38-119964926/?locale=zh-HK&curr=HKD