原來唔經唔覺，單親媽咪呢一條路已經就快一年喇。回想起Gavin當初係我肚入面既日子，真係非常懷念。感恩既係懷孕既日子我過得好舒服，至少無嘔住訓唔到，仲可以追車(最多係臨尾有胃酸倒流....)Gavin係一個過期居留既BB，計埋2次既催生，足足遲左10日先出世。係度同大家分享一下我既催生過程。Gavin既預產期係18/4，我係25/4被安排入院催生。26/4既早上6am就第一次塞藥，點知....係一d反應都無(宮頸完全無軟，我亦無覺得宮縮)。醫生表示，如果第二日都催生失敗就要開刀喇～如是者當晚我不停同Gavin講「你要幫幫手啊，好出黎喇，媽咪唔想開刀啊」結果第二日同樣6am塞藥後，好快我就開始有宮縮喇。9點30醫生探宮頸話我知開始軟，就安排我入產房。入產房後，開始對資料，然後做人手穿水。麻醉師亦有問我想唔想打無痛，亦有講解有機會引發既後遺症。(當時我係揀左打！)其實我朝早10點入產房，然後下午4點半打無痛，去到夜晚8點半仍然一度都未開.....但到夜晚9點，突然開到５度～！到夜晚11點半就開到8度，要停無痛喇(正常7度就要停藥，因為要比你有力生BB)當Gavin既頭開始轉緊落黎，我完全叫我忘我狀態，有一刻仲捉住醫生求佢幫我開刀拎出黎....最後，終於係凌晨時份出左世...唔計第一次塞藥，係歷時21粒鐘啊～ 生完skin to skin果刻我竟然無喊，但有感動同終於唔再痛既感覺(哈哈)。但因為我中間既過程曾經心跳好快，所以要留係產房休息，結果Gavin要返病房由姑娘照顧。而我？一覺訓到朝早11點半喇。多謝大家睇到尾啊，歡迎follow同埋支持我既blog，期待同大家分享更多同BB既親子時光仲有好去處！其他平台:Instagram: https://www.instagram.com/hellodearmaggieeFacebook: https://www.facebook.com/gavincheukhimBlogspot: https://gavinmama.blogspot.hk/Ublog: https://blog.ulifestyle.com.hk/maggielittleworld小紅書: https://www.xiaohongshu.com/user/profile/5ff068b1000000000100434a?xhsshare=CopyLink&appuid=5ff068b1000000000100434a&apptime=1704788622Trip.com: https://hk.trip.com/moments/detail/hong-kong-38-119964926/?locale=zh-HK&curr=HKD
