本來諗住用酒樓送嘅喜帖就算, 因為訂酒席嘅時候都覺得Ok。諗住可以慳返D 但上次再去酒樓望真d，我同男朋友就覺得選唔落手。因為佢地更新左D帖款，又唔係好岩我地個主題。 因為男朋友有讀過下設計，所以佢就話佢做。咁梗係好啦，我可以做少樣野。 本身諗住佢搞晒，原來佢淨係負責設計。結果printing 都係我負責番。 不過都好，都叫做做少樣啦！ 為左平，我開頭係搵淘寶。但後來諗諗下我擔心quality 嘅問題，一生人一次，想所以野都盡量靚D，所以最後都無揀。 後黎我問D結左婚嘅朋友睇下佢地之前用咩。原來佢地好多都係用番酒樓比果D，得一個FD 有自己印，佢就介紹左 joinprint 比我。 咁我就試試佢啦！ 上到佢地網站，原來有好多款嘅templet 比你揀，我地自己已經有個設計係度，所以都無用到佢D templet. 佢地嘅用紙係： 紙質：高質糙紋咭350gsm 尺寸：128 x 178 mm 佢地有免費sample 嘅服務，我覺得呢點超好。因為就咁睇我唔知係咩質地。 我睇完佢地個sample 好快就決定左啦，因為夠厚，睇上去唔會有太cheap嘅感覺。 我大約要印700幾張，所以就揀左佢800 張嘅package $3040，除番開先$3.8一張，勝價比好高呀。 同埋我所有野都係online 做，真係好方便！
