我上胎哺乳胸圍及孕婦胸圍試著很多不同牌子，之前用緊LEONA孕婦胸圍，已經買最大Size 90B 再加”胸圍延長扣”，但每當食野後便感到上圍及胃之間好痛， 透不到氣，到晚上連帶的也會胸悶。最後去馬莎、Uniqlo、千色、Satami、010、Gennies、六甲村買孕婦胸圍，ok嘅， 不過胸型就扁同副乳大左；生完有外擴下垂情況。 都唔知著錯胸圍亦會影響餵人奶，又唔識買同揀，諗住都係哺乳胸圍買大d咪得囉。生完先知咩叫乳腺漲痛，發炎，乳頭破損，痛到發癲，最終放棄。醫生話下次再努力過。 第二胎，搵番這醫生，like佢細心、耐性、有醫德及專業。記得上胎照結構，人仔左閃右避，唔比我昅下面。醫生叫我出外放鬆吓，1個鐘再照，好彩昅到，重不另收費。 他竟然重記得我上胎乳腺咩問題，提我想餵奶，盡快換啱胸圍、食葉酸、情緒控制及休息注意。胸圍就建議我去珊珊孕婦專門店，佢見太太3胎都著得好好。 去到教我戴佢地胸圍應該點注意，錯係邊，選左個孕婦哺乳胸圍我著，好舒服，亦強調不同階段著法、食咩、其他點配合，佢地真係好專業。上胎冇奶，今胎全人奶40個月。回想當時買咗好多內衣褲、乳墊、孕婦褲及托腹帶；當時覺得多，但阿囡出世後，回望先知真有需要，跟佢地做各方面和上胎比都天淵之別，上胎胸大2杯，今胎前後大咗5杯，換左5次尺碼。產後重時常滲奶，換多對乳墊，胸圍都濕漏，幸有存備，冇再後悔當時買太多。胸型亦比上胎好翻很多，所以完人奶路都一直戴。上胎最痛苦嘅乳腺炎、石頭胸、硬塊、乳頭損、外擴下垂嘅問題，今胎完全冇！有次感冒，人奶急降6成，即時記得佢有個售後服務，產後上門幫我通乳增奶，不另收費；此服務係我最鐘意，超有用。 不過最唔鐘意太晏開，湊住2個再去買乳墊胸圍，竟然等到2點後先開。生2個都係囡，可唔可以有人幫我祈禱，祝福我生個仔，生到仔可以收工，生唔到都要無奈收工。
