同朋友去銅鑼灣做完野，咁辛苦緊係要食返餐好既!朋友鍾意食泰國菜，所以就揀左位於銅鑼灣2期既 Thaiology 2個人揀左個2人餐 $398 椰汁雞湯 Thai Coconut Chicken Soup小鍋上桌好有泰國風味，個湯酸酸地帶椰香，好開胃好好飲，而且佢份量都好多，非常足料，每個人可以飲足兩碗湯． 脆炸蝦餅 Fried Shrimp Cake一份四件剛剛，唔多又唔會小，岩岩炸起好香脆，入面蝦肉紮實，同埋一點都唔油 海南雞(半隻) Hainanese Chicken (Half)我地揀左海南雞半隻，見到佢個皮夠光澤已經好吸引，食落口啖啖肉，肉質柔嫩，推介 泰式炒雜菜 Thai Stir-fried Mixed Vegetables 乜都有D，有西蘭花，菇，四季豆，椰菜等等，就一般炒雜菜。泰式鮮蝦炒金邊粉Pad Thai又係勁大份量，鮮蝦都尚算大粒有口感。而佢既金邊粉比平時食過既會較酸辣一點，更加開胃。 Soft Drinks x 2 套餐+$28可以任選一款甜品芒果糯米飯，糯米飯超大份，好抵食！ 店員全部都好有禮貌，親切仲好有熱誠，一定要讚▲About Thaiology6/F, Causeway Bay Plaza 2, 463-483 Lockhart Road, Causeway Bay銅鑼灣駱克道463-483號銅鑼灣廣場2期6樓Tel: 26820626XOXO!Stay Tuned!▲Contact me@ E-mail luvyan1314@yahoo.com.hk@ Facebook https://www.facebook.com/yanezgarden@ IG https://www.instagram.com/yanez_yw/@ IG https://www.instagram.com/takeeateasy_hk/▲免責聲明是次產品/產品資料由品牌提供, 本文章所發表的全部內容均屬個人意見及感受，並不代表該品牌之言論及立場．如需協助或希望獲得更多有關產品資訊, 請直接聯絡該品牌查詢或∕和尋求相關專業意見．如從而引起任何損失或法律糾紛，本人概不負責
