香港人一年四季都鍾情打邊爐 所以就算呢排熱到傻，都要繼續烚吓烚吓 今晚就去咗銅鑼灣耀華街尚鮮火鍋海鮮料理打邊爐 可能由於比較早，六點半就上到去，店員很貼心地 為我同朋友二人安排到六人座既咭位添，坐得好闊落， 牆上仲有個獨立的電視機可以睇電視。慢慢食 慢慢睇 泰式海生蝦 $96 香港唔係好多地方有得食海生蝦，見到有就當然整要食啦 蝦身都幾肥美，肉質都夠彈牙爽口，另外個汁幾好，唔會太辣喧賓奪主 Deep-fried Dough Sticks 百花釀油條 $58 油炸鬼脆卜卜，上面舖滿蝦膠，配搭新鮮，仲一味兩食， 可以當响鈴放入湯滾幾秒即食 又可以點泰色辣醬食。我比較喜歡後者食法，脆卜卜夠香口先好食 Pork Platter (Sliced pork Belly/Pork Liver/Pork intestinal/ Pork Skin/ Pork Blood Curd) 五味豚拼盤 $138 由於友人唔食牛肉，所以點左個豬拼盤 有齊曬豚肉片，豬潤，豬粉腸，豬紅同豬皮 豚肉片夠厚，食落口不會一秒就溶左 讚!豬潤也切得厚薄適中， 最怕豬潤太厚，因為除左好難熟之餘口感亦會變得差 豬粉腸本人大愛，有咬口得嚟又有啲粉狀係口，雙重口感 豬紅做得好好，唔會一夾就散 Crisp-Meat Grass Carp Belly $68 脆骨腩 $68 一上碟已經睇到個魚肉白雪雪好新鮮 食落口，一個字，正 魚肉豐厚爽脆，充滿魚既鮮味，無魚腥味。值得堆介 Vegetables Platter (Organic) 田園盛(有機) $78 嚟多個蔬果拼盤，要講既係有一種幾特別即菜叫 羽衣甘藍 Kale 大大塊 味道苦苦澀澀但唔會令人太難頂，已經煮完啲葉都係好硬身，幾好咬口 泰式冬蔭海蝦湯 湯底留翻最後講。今日選左個冬蔭功湯底 酸同辣既味道好平均，唔會太辣，應該大部份唔大食到辣既人都食得到 已經有好多配料例如冬菇，蕃茄等，仲有原只蝦係湯入面添 打左成晚都無需要加湯，即使到尾段都仲有冬蔭功味係到，厲害厲害 埋單時店員更送上兩盒羅漢果沖劑比我地翻屋企飲， 等我地無咁熱氣，貼心又窩心加分 有機會同多啲朋友一齊嚟，咁就可以叫多啲不同既食物一齊烚下烚下 ▲About Seansin Seafood Hotpot Experts 尚鮮火鍋海鮮料理 Address:8/F, Bartlock Centre, 3 Yiu Wa Street, Causeway Bay 銅鑼灣耀華街3號百樂中心8樓 4-min walk from Exit A, Causeway Bay MTR Station Opening Hours: 12:00 - 15:00 18:00 - 01:30 Tel no.: 21677188 ▲免責聲明 是次產品/產品資料由 品牌 提供, 本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。 ▲Contact me @ E-mail luvyan1314@yahoo.com.hk @ FACEBOOK https://www.facebook.com/yanezgarden
