剛從尼泊爾回港幾天， 發覺香港天氣真係好熱， 所以特別懷念在沖繩潛水的時光 8-) 暑假將至， 又係出遊的好時光， 我好喜歡沖繩， 長時間的藍天白雲， 加上地理位置沿海， 即使猛烈的太陽高掛頭上， 也不是很辛苦， 海風一吹透心涼。 沖繩潛水價錢都好便， 我是於出發前兩星期與當地的一間潛水公司聯絡和安排當天的潛水活動， 十分方便！ 潛水的地方叫真栄田岬 (MAEDA MISAKI)， 自駕遊的朋友只要輸入MAP CODE 206062685(*76)， GPS會導航； 而我係無牌， 所以係搭巴士前往琉球村， 然後再轉搭的士， 由琉球村去真栄田岬只需十分鐘， 所以的士費都唔貴， 大家可以放心。 當天我報了一個COMBO ， 有浮潛加深潛， 浮潛最特別係去一個BLUE CAVE的洞穴， 由於陽光的折射， 所以整個洞穴的水都會係藍色 <--- Blue cave 浮潛完之後(大約半小時)， 就會出海潛， 我當時係一個教練對三個學員， 教練首先會教大家點樣呼吸、係海底下如何利用一些手勢溝通、遇到眼罩入水要點處理等等， 全部都係用英文解說， 講解完畢後就會係岸邊實習， 確保每個學員都識得點樣呼吸。 由於我唔係第一次潛水， 所以唔太驚， 若然你係第一次潛水， 記緊要放輕鬆， 一開始最驚會係呼吸， 因此要用口呼吸唔習慣， 所以我建議大家係岸邊練習多幾次點樣用口呼吸， 等自己熟習後， 到真正潛水時就會比較好 =) 沖繩海底真係好似海洋公園個水族館， 水超清， 之前去沙巴潛水都無沖繩咁靚， 好多魚係你身邊周圍游， 教練亦都會俾面包你餵魚魚， 等你可以吸引多啲魚， 然後幫你影相 點擊圖片放大 巧遇可愛的小朋友一齊浮潛 整個潛水時間大約係2小時， 我認為最好係教練全程都會幫你影相， 同埋包你睇到好多唔同魚。 俾啲潛水資料大家， 我係跟Natural-Blue去浮潛&深潛， 佢哋閒時會有Combo優惠， 大家可以去呢個website睇睇 http://www.natural-blue.net/chinese.html
