日日都要去野餐，今日都一樣要去野餐，趁雷小囡未跑到變濕水雞仔，先去呢度影靚相打卡！ 點擊圖片放大 唔講都唔知呢度咁靚，好似去左外國咁。 不過講真，唔大，非常之細。影相要排隊。 所以奉勸大家，影前諗好pose同角度，埋位即影。 如果唔係去開呢度，呢個打卡位真係都唔易搵。但影相真係好靚，值得嚟嘅🥰附近仲超多遊樂場，最近遊樂場開返就啱晒啦！ 不過今次太夜冇玩到遊樂場，蝕左。下次早啲嚟先🥰呢度係荔枝角公園，當然啦，荔枝角公園真係非常之大，唔係住呢區嘅朋友，要搵呢個歐陸小角落真係唔容易呀😅 荔枝角公園係港鐵美孚站。如果你搭巴士或其他交通工具都唔緊要。只要搵到荔枝角公園就得喇😂 好多方法，例如係美孚地鐵站C1出口。 點擊圖片放大 入到去公園，搵返「滑板場」、「硬地足球場三期」 。 沿住指示牌行。沿住滑板場行落去，左邊小角落就見到。 對正「硬地足球場三期」就係㗎喇！ 條路雖然有啲啲遠，但沿路有唔少花花草草，慢慢行下睇下，都唔錯吖！ 呢度仲有個小型花展（應該係季節限定）好靚呀🥰點擊圖片放大 想睇更多親子遊、食買玩分享，記得like 埋我 Fb ig 喇！FB page: 雷囡媽媽 www.facebook.com/pg/luiluimamakIG : www.instagram.com/luiluimama/
