自疫情以來，我哋真係多左關注自己嘅健康。 媽媽谷都多左好多關於飲食健康、保健食品等嘅話題。大家仲多左討論身體檢查、婦科檢查嘅問題。之前都同朋友討論過健康檢查應該去邊度睇資料最齊全。 今次又同大家分享一下我揀婦科檢查計劃嘅經驗。 朋友間大家傾談之下，原來大多數朋友都對婦科檢查嘅資料都唔多了解。大部分朋友都只係聽過「子宮頸細胞抹片檢查」，但實際係啲乜？ 好多人都一知半解。 柏氏抹片檢查（又名子宮頸抹片檢查，英文為Pap Smear) 柏氏抹片檢查，係一種可以於早期發現子宮頸細胞早期異常變化的簡單測試，方法簡單，適合每年檢查一次。但提提大家，唔好以為打左HPV子宮頸癌疫苗就唔洗再做抹片檢查呀！ 雖然打左疫苗可預防高危的致癌HPV病毒型號，但並唔係100%保證，都係KEEP住每年驗一次就最安心。 子宮頸抹片檢查流程可分為以下4個步驟： 1. 醫生或護士會將窺器放入陰道內檢查深處的子宮頸 2. 醫生會透過窺器於子宮頸的表面抽取一些細胞樣本 3. 細胞樣本會被塗抹在玻璃薄片上並以噴劑固定 4. 抽出窺器，完成檢查 問. 做柏氏抹片痛唔痛？ 答：在檢查期間，如果保持放鬆，應該不會感到痛楚。 問. 如從未有性經驗，需唔需要做柏氏抹片? 答：若沒有性經驗之女士，則不建議進行柏氏抹片檢查。 問：做柏氏抹片檢查有咩注意事項 答: 在進行檢驗前48小時內，如有以下情況，不宜進行柏氏抹片檢查： 月經期間 有陰道性行為 使用陰道塞劑或殺精藥 灌洗陰道 有其他陰道疾病，如陰道炎 上述情況會影響子宮頸細胞樣本質素，因而妨礙檢查進行。 一個完整既婦科檢查計劃當然唔止做抹片檢查一項今簡單！ 仲要檢查埋乳房、腋下、子宮、卵巢、盆腔。普遍會用超聲波做檢查，準確性較高而且又唔會產生痛楚。想再全面啲，我就建議可以做埋甲狀腺同骨質密度。 點解要檢查埋乳房同盆腔？ 根據香港乳癌基金會資料顯示，乳癌係目前香港女性頭號癌症。1993至2017年間，本港女性確診乳癌的個案增加3.8倍，由每年的1,152宗增至每年4,373宗，平均每天有12名女士確診。香港患者確診年齡中位數為57歲，相比美國患者年齡中位數62歲、澳洲之60歲，香港患者相對年輕。在2017年，51%乳癌個案都發生在40-59歲的女性身上，年齡愈大，風險愈高。並非年紀少就不會患上乳癌，本港最年輕患者不足20歲。 乳房超聲波掃描係檢驗乳房既最佳方法，利用儀器向乳房組織輸出高頻聲波，然後將接收的反饋聲波轉成圖像，從而檢驗乳房內的狀況。 而根據香港癌症資料統計中心2015年的數字，子宮癌係女性癌症病發率當中排行第4, 卵巢癌排行第6，子宮頸癌排行第7。 盆腔超聲波檢查準確度高，可檢驗子宮、卵巢係咪產生病變，如常見的子宮肌瘤、子宮纖維瘤、子宮內膜增生等。女性如果發現腹部附近有硬塊、經常經血過多，便應盡早接受盆腔檢查。 超聲波檢查卵巢並不普及，女性往往容易忽略。超過一半卵巢癌患者在確診時，已屬第三期或第四期，被延誤治療，死亡率亦偏高。所以定期進行盆腔超聲波檢查，可及早發現卵巢病變，大大提高治癒的機會。 以我自已經驗，如果單一做一個部位超聲波檢查，最低消費已經要$1000以上，而且仲未包醫生講解報告嘅費用。 但而家好多婦科檢查計劃都係千幾蚊就已經包括幾個、腋下、子宮、卵巢、盆腔檢查。二千蚊左右已經做埋甲狀腺同骨質密度。有啲體檢中心婦科檢查計劃，仲包埋乳房癌症指標以及卵巢癌症指標。 唔止咁，有啲計劃連紅斑狼瘡細胞檢查都有得做㗎，一次過做晒最抵啦！ 想知邊間做婦科檢查最優惠？ 邊度做婦科檢查最抵？ 可以參考以下網址。 一次過有齊多間體檢中心、婦科檢查計劃、價錢同優惠等。一次過比較邊個計埋最適合自己啦！ https://health.esdlife.com/shop/hk/contents/%E5%A9%A6%E7%A7%91%E6%AA%A2%E6%9F%A5%E9%82%8A%E9%96%93%E5%A5%BD-8%E9%96%93%E5%A5%B3%E5%A3%AB%E6%AA%A2%E6%9F%A5%E6%AF%94%E8%BC%83%E5%8F%8A%E6%8E%A8%E4%BB%8B
