以前成日覺得做身體檢查好無謂，又嘥錢！成日覺得自己仲後生，洗乜做吖！ 但自從幾年前爸爸離開左我哋，果刻先真真正正感受到，健康，唔係自己嘅事。如果出左事，唔止自己一個人痛苦，係全家都會好傷心難過。而且我小朋友仲細，作為負責任嘅父母，唔止照顧好佢地咁簡單，仲更加要保重好自己嘅健康。如果我有啲咩事，佢哋點算呀？ 所以我開始深信每年做身體檢查嘅重要性！ 間中會有朋友問我香港邊度做身體檢查最好？邊間做會最抵？ 有冇好既推介？亦都知道有唔少香港人會去討論區例如連登(lihkg)問意見睇留言，於是就想寫一篇關於點㨂適合自己身體檢查項目既文章同大家分享下。 其實我自己認為，做身體檢查除左要搵最抵之外，仲要搵最全面，最合適自己嘅！ 第一次做體檢有咩必選項目? 根據香港人既生活習慣，檢查心臟、驗肝功能、泌尿系統、血糖、血脂、膽固醇讀數、肺功能、骨質密度等呢類檢查項目基本上都會包括係坊間大部份既檢查plan 內。 點先知邊樣檢查最適合自己？ 首要要根據家族病史、年齡、同個人習慣。家族病史，例如家族內曾經出現糖尿病、心臟病、中風、乙型肝炎、同埋癌症...等等。就要特別留意，普遍健康檢查會包括糖尿、乙型肝炎等嘅基本檢測。但如果有癌症家族病史，建議加入癌症指標測試及癌症基因篩查呢兩個項目，癌症指標測試係透過驗血去檢測一系列既癌症指標，從而評估潛在既癌症，坊間都有啲身體檢查plan有涵蓋呢一個項目，例如美邦既呢個plan。而癌症基因篩查就係透過驗DNA去判段是否會比較容易患上某種癌症，通常要獨立地做，而且價錢比較貴。！ 另外檢查時嘅年齡，都好緊要㗎！ 例如較年輕嘅，好多時因為剛投入社會，生活習慣轉變，工作壓力大，同時又多應酬，休息時間不足。甚至乎女仔貪靚，減肥，飲食習慣等，都好易有甲狀腺問題出現。以我所見，特別年輕女性比較多。所以，甲狀腺檢測都好啱年輕一輩。 而好似我地生完BB就更加要做甲狀腺檢測，因為身邊好多生完小朋友，都出現甲狀腺問題。而甲狀腺仲會非常影響情緒，容易令人有抑鬱或脾氣暴躁。好多媽媽都誤會只係湊小朋友勞氣，所以好多時都忽略左，變左一個惡性循環，真係可大可小！ 當然，生活習慣都好大影響啦！ 例如有吸煙嘅人士就當然要檢查肺部啦。飲酒、捱夜等就要檢查肝臟。多啲留意自己生活習慣，工作環境，飲食習慣等等去判斷選擇適合最啱自己嘅檢測計劃！ 咁究竟要幾耐做一次body check 呢？唔同項目都有一啲客觀既參考標準： 舉例乳癌係女性既頭號敵人，除左平日自我檢查之外，建議由20歲開始應該每年或每2年接受乳房超聲波檢查。曾有性行為的女性，最好連續2年接受柏氏抹片檢查，如果結果正常，就可在3年後再做檢驗，直到65歲為止。35至40歲既女性應至少要接受1次乳房X光造影檢查，而到了40歲以後，就要每2年檢查。 前面講過如果有癌症家族史既人士就要特別留意自己身體狀況，因爲好多癌症都有遺傳因素。 根據香港癌症資料統計中心2017年數字統計，大腸癌係香港人既頭號癌症殺手 宜家香港政府都有一個大腸癌篩查計劃，資助50至75歲人士進行大便隱血測試。若測試發現大便有微量血液，則會安排接受大腸鏡檢查及切除有可能出現的大腸瘜肉，避免其演變成癌症。而50歲以上既人士建議每十年做一次大腸鏡檢查，因爲高齡人士亦係大腸癌病發率高既族群。 肺癌：有吸煙習慣既人士，經常吸入二手煙或常常吸入煮食油煙的人，應每兩至三年進行胸肺X光片檢查 肝癌：如果曾經患過肝炎或家族有肝炎帶菌者，應每6至9個月，進行腹部超聲波檢查，並進行肝癌癌症指標測試（甲胎蛋白），以及早預防肝癌。 仲唔知點揀？ 其實而家市面上有好多好詳細嘅身體檢查優惠套餐可供選擇。仲有啲網站有提供多間醫院同體檢中心嘅套餐列表，咁就一目了然啦！ 詳細以下網址參考： https://health.esdlife.com/shop/hk/contents/2019%E8%BA%AB%E9%AB%94%E6%AA%A2%E6%9F%A5%E9%82%8A%E9%96%93%E5%A5%BD 提提各位女士們，一定要做埋婦科檢查呀！ 下次我再詳細分享
