有幸去左 #絕世好老公 #陳豪 剪綵嘅 Whizbo Kids Cafe試玩。真係好開心! 呢度環景好好,乾淨光猛,啲野又好食! 而且設施都好安全,眼見部份木制玩具係我最愛嘅 PlanToys,安全又好玩! 遊戲房一排過,媽媽們就可以一目了然! 你睇我地幾個媽媽幾嘆就知啦! 小朋友玩嘅時候,媽媽都可以輕鬆下! 當然啦,較細嘅小朋友一定要家長陪同啦! 遊戲設施好齊。繩網、滑梯,波波池基本野當然有啦!木粒仿沙池真係要讚!優質圓邊木粒仲有陣陣清香味!小囡勁鐘意玩。 勁迫真魔房,廚具、食物乜都齊!連農田都有,可以種下布藝蔬果。小小朋友可化身做小廚師、農夫、小小雪糕店老闆。仲可以幫手做家務! 雷小囡最愛化妝間, 貪靚嘅女孩子最鐘意。仲有埋公主衫、首飾、化妝品。仲可以幫公仔紮辮仔。 點擊圖片放大 雷小囡第一次著公主衫,第一次扮Elsa ,著完由心笑出嚟,勁甜 男仔都有得扮醫生、消防員...等。男女都啱玩! 廁所都好貼心,每格都有大人小朋友廁所。另外仲有換片間。 仲有多款可愛造型食物,大人小朋友睇到都胃口大開啦! 最開心可以同一班Blogger 媽媽、#網紅 媽媽一齊玩。笑足幾個鐘!大人雪小朋友都盡興而歸,放足電! 其實今日好多都未玩晒,希望下次有機會帶埋家姐一齊嚟玩,到時再詳細同大家分享啦! 有興趣可以去佢地網頁睇下: Whizbo Kids Cafe 地址:馬鞍山保泰街16號We go Mall 4樓5號鋪 想知多啲我地嘅 #生活小貼士、#簡單食譜、#育兒分享、#吃喝玩樂、#美容,#親子遊、#親子烹飪 ,快啲Like我地啦 FB page: 雷囡媽媽 雷囡媽媽 IG : www.instagram.com/luiluimama/ #親子餐廳 #馬鞍山首間親子餐廳 #WhizboKidsCafé