上個月去完旅行，終於整理好左啲相，同大家分享 #老少平安遊大阪 #Day1 行程編 是日重點推介： #黑毛和牛！ 地點：勁就腳，#心齋橋 價錢：算抵食， 4大2小（偏細食）$13000yen 10:00機去到攞完行李都唔早，決定機場食埋野先，因為攞車再返到酒店都2-3個鐘嘅事。 本來想去大阪城睇燈光show ,不過又凍又落雨，最後決定行下心齋橋食下野算喇！ 去日本必吃 #和牛！ 以我嘅經驗,唔去啲旅遊書介紹嘅, 邊走邊找，好唔好食都試下，睇啱價錢就入去啦！ 本來想order 貴少少果啲，但因為太夜（香港當然唔夜啦） 幾款都冇貨，叫左最平果set，本來冇乜期望，估唔到咁好食！ 乜部位我就唔識分，但大部分都入口即溶，滿口油香。 點擊圖片放大 +2 最驚喜係生牛肉刺生，連唔食生牛嘅雷囡爸爸都話正！ 大囡狂食（日本就由佢啦，香港就唔敢喇） 叫左碗麵諗住俾婆婆同小囡，問左話唔辣，點知嚟到都係辣嘅，小囡食唔到，變左食和牛飯，仲爽 是日感想：滿足、攰、早抖 童遊感： 雷小囡第一次去旅行，未搭過飛機，開頭都驚佢會狂扭計！ 不過都好彩冇乜野。氣壓耳仔痛嘅情況都唔嚴重。 升降時感覺到唔舒服就即時同佢玩等佢笑下，教佢吞口水，俾水佢飲！順利安全渡過 第一晚睡喊到爆。之前都有帶小囡去住酒店都冇喊過。今次無啦啦喊爆。扭計要去婆婆房。喊到一點頂唔順帶佢去婆婆房。以為平安渡過,點知訓到3:30扭奶醒左搵媽咪，又抱返佢返嚟....最終攪到我4點幾5點先訓.... 諗左我成晚唔知發生咩事，諗嚟諗去，估計因為一開始我地去左搵停車場泊車時，婆婆帶左去佢房沖涼。 所以佢以為可以同婆婆一齊瞓。但食完返帶佢返我地房，佢就知道婆婆喺隔壁房。想痴婆婆，所以扭計。但瞓到半夜習慣地搵媽咪... 第一晚攪成咁,好擔心嚟緊6日點算... 全家冇得瞓，特別係爹地要揸車，唔夠精神好危險！ 係呢個時候，大家會點應付？ 欲知後事如何，請看下回分解... 是日晚餐 ：黑毛和牛一いち 是日酒店 ： 點擊圖片放大 #雷囡媽媽#雷囡媽媽食譜#雷囡媽媽簡單食譜 想知多啲我地嘅 #生活小貼士、#簡單食譜、#育兒分享、#吃喝玩樂、#美容，#親子遊、#親子烹飪 ，快啲Like我地啦 FB page: 雷囡媽媽 www.facebook.com/pg/luiluimamak IG : www.instagram.com/luiluimama/
