今日唔玩 #一拖二親子遊 ，飛甩雷小囡，只帶雷大囡拍拖去街街。去睇音樂劇。雷大囡第一次睇音樂劇，開頭叫佢去，佢好似唔多願意咁。但睇完之後話想再睇多次! 點擊圖片放大 今日睇呢套 #親子音樂劇 名叫 《叮叮聲》，一切對大囡嚟講都好新奇。有好多熟悉嘅場景，亦有啲佢未見過嘅野。車仔麵原來真係喺架車仔度賣㗎？咩叫「走鬼」呀？好多問題，證明佢睇得好投入。除左有得睇之餘仲好互動，有得一齊唱歌仔，姐姐仲教埋我地冇樂器嘅時候，原來身體唔同部位都可以一齊Jam歌㗎！全場大人同小朋友都玩得好投入好開心！ 而最令我意外嘅係，估唔到一套親子音樂劇除左帶俾我地歡樂之餘。故事結尾竟然係咁令人感動....對唔住，我眼淺,我忍唔住，切左洋蔥...全套劇勾起我好多童年回憶，記返起小朋友嘅幻想世界，亦令我有所反思。大囡嘅年紀剛好同故事主角差唔多階段。所以特別引起我的共鳴。而且最後嘅結局亦都勾起我對父親的思念⋯⋯ 好似已經劇透太多喇！總之呢套絕對係一套大人小朋友不能錯過的音樂劇。下星期 30/8-2/9仲有幾場。快啲把握機會帶小朋友去睇。為呢個暑假畫上圓滿嘅句號啦！ 點擊圖片放大 +3 溫馨提示：開場前45分鐘有個摺紙工作坊，小朋友可以學下摺紙同帶走一架心愛車仔 另外知道各位家長可能會擔心，要小朋友坐定定睇足全場會唔會好難？大家可以放心，因為中場有互動位俾佢地郁動下，所以眼見全場好多3、4歲嘅小朋友都冇扭計，睇得好開心 可能仲有少量門票，快啲上網訂票啦！ 戲照是大會提供，各位記得入場後係唔影得相㗎！唔洗擔心冇打卡相，因為完場後可以同一眾演員大合照 叮叮聲 門票現已公開發售 2/9/2018 11:00AM 1-2/9/2018 3:00PM 30/8-1/9/2018 7:45PM 沙田大會堂文娛廳 $260 網上購票︰https://ticket.urbtix.hk/internet/zh_TW/eventDetail/35760 信用卡電話購票：2111 5999 或可親臨各大城市電腦售票網售票處搶購 *六十歲或以上高齡人士、殘疾人士及看護人、全日制學生及綜合社會保障援助 受惠人士半價優惠／雲寶寶會員可以優惠價每張＄250購買成人門票 一路青空 The Radiant Theatre Orff 4 Kids 奧福音樂教室 BusymamaBenny 余以辰 導演歐珮瑩 Toby Au #叮叮聲 #互動感官劇場 #一路青空 #Orff4Kids #Busymama #親子音樂劇 #兒童音樂劇 #沙田大會堂 #感人 #好玩 #童年回憶 #勾起共鳴 #觸動心靈 #誠意之作 #有洋蔥 想知多啲我地嘅 #生活小貼士、#生活瑣碎事、#親子日常 雷囡s #開心日常、#媽媽心聲、#簡單食譜、#育兒分享、#吃喝玩樂、#美容，#親子遊、#親子烹飪 ，快啲Like我地啦 Facebook page :雷囡媽媽
