暑假最後衝刺!玩呀! 荃新天地二期盛夏嘉年華最後一日喇! 我呢個 #另類怪獸家長 今日幫雷大囡行程塞滿晒，黑暗中對話體驗館 、盛夏嘉年華，再去姨姨生日趴。攰死我，不過好開心 分享下今日其中一個行程係荃新天地二期嘅盛夏嘉年華。好多好玩玩攤位遊戲。雷大囡一見到個巨型夾波好興趣咁衝左去玩,不過當然好失望咁走啦，哈哈。本來可能冇咁失望嘅，不過排佢前面個妹妹連續夾到3個，搞到個個都以為好易夾所以落差好大。 點擊圖片放大 +2 仲有好多兒時回憶攤位。#拋圈圈、#掉波波。當然最受歡迎係 #掉彩虹 啦！ 講個秘密俾大家知,掉彩虹由$10/5個幣特價變左$10/10個。勁抵玩。條彩虹好闊好易中。我掉到個大獎，大囡都有個中獎,勁！ 最值得玩嘅係 #推冰壺 ，因為唔係咁多地方有得玩，而且要有技巧，真心好玩，個姐姐仲好好人,抵讚，必試! 個嘉年華做到聽日咋！未玩嘅快啲去睇下吖！ $100遊戲劵有咁多獎品,成績算唔錯啦! 最後多謝 呀劍萬帥 親子旅遊 攝影札記 Kimfamilytravel！ 地點：荃新天地二期中庭 活動：#盛夏嘉年華 最後聽日 19/8-2018 想知多啲我地嘅 #生活小貼士、#簡單食譜、#育兒分享、#吃喝玩樂、#美容，#親子遊、#親子烹飪 ，快啲Like我地啦 Facebook page : 雷囡媽媽 https://www.facebook.com/pg/luiluimamak Facebook:https://m.facebook.com/luiluimama YouTube: Luiluimamak https://youtube.com/results?q=luiluimamak Instagram: https://www.instagram.com/luiluimama/ Blog: https://luiluimama.blogspot.com
