去英國，冇理由唔去埋法國的 3個學生哥，為左慳錢，捨棄1-2千的Eurostar列車 坐左10個鐘的巴士 沙甸魚咁迫 終於來到法國 10個鐘巴士真係唔係講笑 好驚 因為佢坐坐下，巴士會駛入架大船入面 你就要好似比人賣左咁跟住落船，係架船度休息下大約廿至三十分鐘 上番車，之後過關先到法國 成程係唔會有指示，而且也唔好期望有人識英文會答到你 山長水遠，之前聽過「邊個邊個係法國當街當巷比人搶野」等等 講到好危險 其實邊個地方唔危險丫（我心諗） 只不過當時細個，很多很多的擔心就出來了 首先落車到一個完全聽唔到英文的地方，所以牌都冇英文，真心慌既 加上到達時間係一大早，車站街道人又有限 買張車飛都搞左大半個鐘，搵酒店去景點搵野食，每時都係提防住身邊的人 好誇張，不過也是旅行的樂趣啦 至於，去法國的目的只有一個！ 就係佢 ... 如果你問我，巴黎會不會去第二次 會，就係為左呢個塔 TOUR EIFFEL http://www.tour-eiffel.fr/en 落車地點: Subway Trocadéro站落車, 就會見到Tour Eiffel的出口 跟住指示行, 出去路面再行前少少就會見到呢個景色 完 全 值 得 ! 坐左係廣場呆等幾個鐘 為左等佢十點著燈 係值得既！ 冬天去會比較好，因為天黑得比較快 我去的時候係8月，晚上9點都未天黑 ... 另注意：會有很多黑人在兜售紀念品，是可以議價的 不過一定比店入面平 （大約10歐有4-10個鎖匙扣不等） 雖然在香港見過有得賣... 不過來到法國紀念品呢D野就 ... 自己諗 （當然你去店的紀念品都made in China的時候, who cares香港有冇見過呢） 坐地鐵走個時一定要浦住個窗 如果唔係會後悔的
