做做做做.........終於等到星期五，出發啦！！！ 今個星期香港keep住日日都落雨，幾驚今日都係，因為行去搭A車都有一大段距離 好彩出門口好天無落雨，係去到青衣就開始勁大雨......之後就驚delay............. 可能臨近暑假，機場一早已經勁多人 過好關，食完早餐，之後等上機，好好彩無delay，準時出發啦 個半鐘機程到達台灣，之後當然趕過關..........點知.....撞正一大堆韓國人...... 結果排左好耐隊先過到關，拎返行李之後就拿拿臨去搵ATM禁錢 用銀聯禁，個rate 計埋手續費都係靚過係香港~~所以去台灣都係去到先禁錢啦 跟住行去買電話卡個陣見有個悠遊卡counter可以增值，好方便，即刻增值先 今次電話卡揀左大哥大，4G plan，3日無限，TWD 300~~當然速度同香港無得比，但都ok ge 係預定時間12.30pm之前整好哂所有野，上車去台北車站~~~ 落車之後就先去酒店check in，行過去其實好快 去到酒店門口就咁岩有另一大班香港人一齊到，開頭都驚有排等 點知好彩地counter姐姐見我地兩個人就幫我地check in先，仲好好即刻有房，唔洗等到三點 上到房就周圍望下，間房唔算話好大，一張雙人床，整整齊齊，toilet夠大又企理 但拉開個櫃桶......見到有本聖經，就真係嚇左一嚇，驚驚地 即刻上網search下，見到有其他人ge blog 都話有聖經，可能係lee間酒店間間房都有掛 訓左兩晚都好正常，咩事都無，唔好自己嚇自己 Check in lobby 有個小廚房 Settle down後當然要醫肚啦 出發前已經search到係台北車站附近開左個新美食主題商場 - HOYII 北車站，好多食店 所以就鎖定第一餐食個到ge 麻膳堂，以麻辣牛肉麵最名出名 HOYII 北車站 - 麻膳堂 但因為屋企人唔食得辣，所以就打算食紅燒啦....點知我又咁好彩，是日暫停供應=.= 最後就點左一個榨菜肉絲拌麵，肉絲蛋炒飯，鮮肉煎餃 餐廳環境唔錯，又坐得舒服，可能已經係2點過左個lunch時間，唔算太多人 同埋圍觀都係台灣人為主，唔見有遊客，希望好味啦~~ 榨菜肉絲拌麵 榨菜肉絲拌麵好岩夏天食，唔洗因為個有熱湯食到出哂汗，個麵質彈牙，同榨菜肉絲好配合 肉絲蛋炒飯 肉絲蛋炒飯，我就好鐘意，同香港食開個d炒係唔同，lee個係食到一粒粒飯，又好乾身，食落個飯粒係好分明~Like 鮮肉煎餃 鮮肉煎餃，由於係即叫即煎，所以等左超過10分鐘，但食一啖之後就覺得值得等咁耐 個外皮煎得好香脆，一咬就會流出肉汁，三個入面lee個最有驚喜 Round HKD 60食到以上三款，非常超值，台北車站附近又搵到間新食店啦~~~ 醫飽肚就坐車去西門町shopping掃貨，由於頭先食得太飽，所以食唔到西門町小食.... 行到勁熱，買左至愛的木瓜牛奶，上一次係逢甲飲過之後完全愛上 可惜唔係台中北回木瓜牛奶 沙冰的口感，好味~~ 周圍行，周圍影~~ 再度到訪，西門紅樓 行到大約7點就返台北車站食晚餐，一心plan左去試下個韓燒放題 點知去到.....7.30pm去竟然滿座，想等都話無位..........唯有即場book第二晚再去 食唔到首選，好彩我都plan定個次選，食平民價吉烈豬 之前有食過杏子豬排真係非常好味，就覺得台灣ge吉烈質素的確唔錯 lee個平民價吉烈--福勝亭，台灣人ge blog 都推介話幾好，所以就去試下 福勝亭係台灣係連鎖經營，有唔同套餐，白飯，椰菜絲，飲品無限refill~~ 套餐一般都係 TWD 190至 TWD 250左右，今晚我地一行3人，叫左一個大套餐share 套餐包括開運豬排定食+香酥炸腰肉食定食+小菜+炸雞+飲料兩杯，TWD 445 因為可以無限refill，我地3個人絕對食得飽~~~計返港紙 around $115，抵食 炸雞 小菜 - 炸豆腐 開運豬排 香酥炸腰肉 如果要同杏子豬排個d比一定無得比較，但如果同香港丼丼屋食堂比的話，絕對得起有餘 特別係個炸腰肉，外脆肉軟，仲啖啖肉汁，炸豬排就一般d啦 食完豐富晚餐之後就周圍行下買下野，返酒店休息睇電視 聽日一早就出發繼續行程 HOYII 北車站 台北市中正區忠孝西路一段36號 1F & B1 (台北捷運車站M6出口) https://www.facebook.com/hoyiimainstation 麻膳堂 (站前店) HOYII 北車站一樓 福勝亭 台北市中正區許昌街30號B1、B2(新光三越後門) http://www.tonkatsu.com.tw/index.aspx
