因為屋企人去台北實習，所以有大條道理探親加旅遊……哈哈 台北已經係第N次去，所以又無咩特別景點話好想去 同埋太熱la......所以三日行程都係Plan 左以食、買、輕鬆行下為主 機票 + 酒店 先講機票，今年keep住個個月都有唔同航空公司台灣平機票 所以我買個陣都係睇下邊間有優惠，最後都係揀HK Airline早去晚返 搭過幾次so far 都ok ge，同埋都只係坐個幾鐘，所以我自已就無咩所謂 機票 Total: HKD $2082 (二人連稅) 搞掂機票之後就輪到酒店，同屋企人去就一定要近車站，方便為主 都係鎖定左台北車站附近，因為想Book商旅，所以範圍已經收窄 最後就揀左福泰桔子-館前店，地點方便，近台北車站 附近有Watons，光南，三越，7仔.......行街食野都方便爆 經Expedia 訂，星期五、六，一共兩晚 ( 豪華雙人房連早餐): HKD $1356 三日兩夜之旅，機票連酒店，每人: HKD $1719 Lee 個價錢一定唔係最平，因為其實唔住台北車站附近的話，仲有好多平酒店選擇 但去旅行都係想舒服方便，拎住行李走黎走去都辛苦，所以我自己會寧願俾多少少方便d好 行程 出發keep住check台北天氣，日日都好熱...........所以最後決定都係stay 係d室內地方多d 淡水、十分、九分..........都係冬天先去探訪la 咁岩又見到有好多唔同特展，有小丸子、Meldoy+Twinstar、姆明 上一次去台中個Line展的確幾特別，所以就決定去其中一個啦 本來想上網買小丸子預售飛，點知.......岩岩過左時限，買唔到 最後決定My Melody & LittleTwinStars夢幻特展，預售飛每人 TWD 180比現場平TWD 100 當其中一日行程已經plan好，之後就搵食，seach 下台灣人d blog 鎖定幾間食店 本來係想去cafe食honey toast，不過同屋企人去，佢地都唔鐘意食....所以下一次同fd先啦 有大約ge行程idea 之後，plan 好路線，google map睇下~ Shopping 之前睇人地介紹係86小鋪先落左單，之後去酒店附近7-11取貨 今次我都要試下，原來真係非常方便，揀好哂之後落單 Around 3日會送到7-11，取貨日起5日內去羅 今次預先買定真係慳左好多時間行化妝品店，要買都已經買左 如果撞正佢做一d特價，滿499超取免運就好抵啦，我今次落單就岩岩撞正送免費面膜 我揀到一盒有7塊SexyLook 眼膜，真係十分超值~~~~~ 下一次去台灣前我都要留意定86小鋪、小三美日、巴黎草莓網購~~~~~~~~ 另外我都預先search 左美華泰、光南、康是美網上DM，先大約知道邊間邊個brand做特價 所以可以去到一見到就買，慳返d時間格價~~~~~~~ 準備好哂~~~~出發啦~~~~~~~~~~~~ 福泰桔子 - 館前店 台灣台北市中正區館前路22號 http://www.forte-hotel.net/ 86小鋪 https://www.86shop.com.tw/ 小三美日 https://www.s3.com.tw/ 巴黎草莓 https://www.fdp.com.tw/ 美華泰 http://www.mhtefc.com.tw/ 光南大批發 http://knn.com.tw/ 康是美 https://www.cosmed.com.tw/
