16年9月頭炒左個陪月員! 生平自問性格和善，待人接物和諧 ，但今次令人氣憤! 作為一個剛生完第一胎的產婦，無論身體及心靈上都需要休養及調整！第一個月十分重要，在家人無法照顧下，唯有請陪月，故陪月對一個初生嬰兒及產婦來講，十分重要! 不好的陪月簡直是身心虐待！我是其中一個受害者 ~~~黑名單陪月員 ~~~ 姓名: 由於被她投訴寫佢全名，侵犯私隱 ，未能讓大家警醒防範，抱歉! @@呢個人聲稱讀好多書，有10多年陪月經驗等，大家千萬不要被她所謂專業的外表欺騙! 不是1)做事粗心大意，做錯事不認錯兼頂嘴 例子:經常煲野蓋煲蓋不穩，護理完阿b的棉花棒蓋經常不蓋，是後提醒又否認，覺得自己好好，唔會做出此事，好似我屈佢甘。 2)雪櫃生肉放下面，完全唔知又唔愿跟從。 例子:生的食物次次都放雪櫃上面，要提幾次先記得住，叫生肉包兩次保鮮紙，又要不停提多左幾次，諸多籍口（但佢留卑自己的熟食又會自動包幾層……），當時我阿B的人奶在雪櫃。 3)廚房衛生惡劣 廚房搞到凌亂曬大坑，煮完飯，廚房仲係水滴滴，升盤污糟，抹台布永遠濕的，地下充滿廚餘。永遠話你唔好搞佢啦！話就話「我之後會整」，但之後整極都只做一樣，漏一兩樣卑你執手尾。 4)大便換片抹不乾淨 同阿b大便換片，見到佢有一邊抹唔乾淨，「堅持得啦得啦，唔使抹！」但我堅持要抹，最後佢勉強幫我抹一下，我即時指住個塊屎積棉，佢先無聲出。 5)棉花球抹眼，越抹越污糟 反工第一日，又要求不同的盒抹眼，洗面，抹屎尿等，聲稱要好乾淨等，我滿足她，準備晒卑佢！ 但頭幾日已見佢同阿b抹眼，抹完的棉花丟在同一盒內 與乾淨棉花同水混在一起，佢聲稱忙亂，一時搞錯，從此我就留意呢個人。今日係佢最後一日，竟然見到佢用水喉水 而非涷滾水濕棉花想同阿b抹眼，我望住佢……佢聲稱話棉花不小心丟下地要洗乾淨，再加涷滾水（簡直痴筋）我覺得呢個人好恐怖，後悔無提早炒佢。 6)諸多不做規矩，不段自我推銷賺錢 頭幾日 一來就聲明不做這些不做那些等，再多次說自己讀好多書，識按摩及通乳之類，多次說免費同我做（當然完全無做過，連指點都無），暗示便宜我了，因佢平時要收$3000/$4000之類，我即時覺得好有壓力，已對佢由好感變成無好感!事後不停叫我對佢有信心，佢越講我越反感兼越睇得緊。但她當時仍在我家中生存，反8個鐘，但有一半時間游手好閒，玩電話。 7)同阿B喂奶危機 每次見佢同阿b喂奶，都擔天望地，不停聊我傾計，我叫佢專心d，佢停無幾耐又再聊我，時見到快有空氣入奶咀，搞到我要時刻望住佢喂阿b，真係精神緊張 8)有錯覺得理所當然，同顧主頂撞吵架 炒佢當日，同樣無蓋棉花棒蓋，指卑佢睇.佢又再次煲緊薑水，今次連煲蓋都唔蓋，我當然捉緊機會叫佢來望，佢竟然話叫我唔好理呢d小事，佢要整奶樽好忙，我話「你做野真搞笑」!於是佢同我開閙，「你成日都攞呢d小事來搞我，我日日早半個鍾來照顧你（其實大部分只早5分鐘同準時到，有一次仲遲到唔知會），我盡心盡力照顧你，你都仲唔知足，我對你有咩唔好呀！你坐月坐得甘好都係靠我d煮膳食（其實佢好多野都唔岩我食，好多菜都被我丟掉），阿b照顧得甘好（其實阿b大部份係我照顧，我都唔敢卑佢掂）我甘做你都唔滿意，我真心為你好，你都唔信我……」佢發癲，我當然對佢發癲開閙。 事後佢去買餸，返來後我就決定同佢解約，佢仲想解釋，我叫佢唔使講甘多，我話私家看護住家工我都做過，未曾試過一個顧只員甘樣同顧主閙交既，再甘落去我有產後抑鬱。佢當然同意，因解約訂金佢全收，又要卑7日通知金，佢基本上係唔使做又攞足一個月錢! 重點：☆☆☆當時攞錢送佢走，卑錢時 叫佢雙方簽證明，佢竟然唔肯簽，但又想攞錢，個下先激死人。要我老公同佢簽張無法律效力的證明（之後先知）跟著攞錢走！當時我不在場，之後條氣一直頂住……未見過d甘臭串既陪月 呢個人聲稱讀好多書，好多證書，多年經驗既陪月! 在此，我真心希望其她產婦勿上演我的糟遇，真的! 同時，亦好想讓這個恐怖極品陪月知道： 1）連你陪月公司都知道你問題的嚴重性，而不再顧用你，你究竟有無深切反省自己是否適合做陪月？ 2）剛生產的產婦和嬰兒都十分脆弱，你忍心如此輕心傷害她們嗎？ 3）陪月員的神聖工作，因你而添上污點，另人却步，對你有何好處？ 4）因你的惡行，而令人身心痛苦，患有抑鬱，你真的安心？ 5）若你照顧的人是你女兒及孫兒，你會如此對待她嗎？ 6）你兒女長大能辯是非，若她知真實的你工作上如此不堪態度，心裡會否覺得難堪？ 7）你想兒女因你而嬌傲定因你而羞愧？ 8）害人終害已，請離開該行業，積下陰德吧！ !
