日常飲食中，我們往往因為種種原因會將食物先削皮再進食，好似蘋果、提子為例，大家都會擔心農藥問題；有D食物就因為口感或者食物賣相問題而削皮食，蕃薯就係好例子；有D情況係，我地未必知道可以連皮吃，但原來好多食物都可以連皮食，令營養價值提升，以下簡單分3類介紹： 第1種：“過去唔敢連皮吃”蘋果：蘋果果皮含天然果膠，膳食纖維含量佔成個蘋果的一半，之前在其他Blog都有提及果膠有超強清腸功效，近年有一隻有益腸道的營養補充品，主要成分就係果膠，另外，蘋果皮亦有豐富維他命K，對於凝血功能好有功效，幫助激活身體所需的細胞生長，以及維持蛋白質支持骨骼生長。提子：提子皮的皮跟果肉相連有一層透明物質，呢層就含有大量的白藜蘆醇，好多研究發現白藜蘆醇對心血管健康好有幫助，所以點解話飲少量紅酒對健康好好就係咁解，因為紅酒佔的白藜蘆醇好多，而提子皮仲有類黃酮及花青素，富含抗氧化劑，亦有保護毛細血管功效。好多人擔心蘋果及提子表面留有殘留農藥影響健康，我會選擇有機的蘋果或提子（通常有機種植唔會好大粒），但可以安心連皮吃點都值得。 第2種 : “改變食法連皮吃”南瓜：南瓜肉所含超強β-胡蘿蔔素、維他命C及黃體素等都具有極佳的抗氧化功效，幫助身體對抗自由基，增強免疫力。而連皮吃的話，額外攝取更多膳食纖維，有助腸道蠕動。大家可以參考日本人的飲食文化，將南瓜切細塊（不削皮）用汁煮，另外，將南瓜開半，清走南瓜子後隔水蒸20至30分鐘（視乎南瓜大小而定），蒸熟後在南瓜中間放上炒熟的肉碎或蔬菜粒，賣相靚不錯之餘可以連皮吃。蕃薯：蕃薯外表係唔吸睛，但洗得乾淨連皮煮熟，可以吸收更多膳食纖維，令「便便」更快成型瀟洒離開，另外，蕃薯更富含多醣類物質—「黏液蛋白」，能有助減低膽固醇，避免脂肪囤積在心血管中，亦有保持血管彈性，進而預防血管硬化。 第3種 : “唔講未必知可以連皮吃”奇異果：奇異果向來都話維他命C含量遠勝過橙，而奇異果皮比果肉所含的黃酮類化合物、抗氧化劑、維他命C及纖維都要高，當然礙於口感問題，建議刮走皮上的絨毛，或者選擇金奇異果連皮吃較好。香蕉 (1)香蕉皮的纖維及鉀含量比果肉豐富。(2) 蕉皮的葉黃素含超強抗氧化劑，維持眼睛年輕健康。(3) 蕉皮的色胺酸又係比果肉多，能增加人體的血清素，提升幸福感抗抑鬱方面表現又勝一籌。建議不妨搵熟成 （好多黑斑）香蕉放入雪櫃，等蕉皮變甜又變薄，較易入口呢。
