第二日朝早 係民宿食左個美味嘅早餐再出去活動 左邊係民宿員工每日都會即刻製作嘅指定早餐 (果日係法式吐司); 右邊係自助式早餐 (有水果/麵包/Yogurt 等等) *民宿嘅資料可以睇返上一篇blog啊 趕快進入第二日嘅重點行程 甘川洞文化村 又係彩色的屋子~~ (這張係菲林相機拍的 所以顏色上無咁鮮明而且日期還錯了) 落左巴士後 行兩步就會見到服務中心, 可以購買文化村嘅地圖 (1400W) 買左地圖 就可以跟住地圖提到嘅點收集印仔同埋明信片(3張) 但係因為要走完全部點真係唔知要用幾多時間, 所以我只去左有明信片的兩個點同埋途徑的點 *提提大家 如果想係釜山寄明信片就要係星期一至五去郵局買郵票啊 機場都有郵局的 聽講有些書店都會有得賣 不過機場那間書店沒有啊 甘川洞文化村有好多小Cafe~ 中意粉紅色嘅朋友點可以唔去Coffee It House 呢~ Coffee It House 係巴士站附近服務中心再一路向上行嘅位置 親切嘅老闆娘安排左包攬文化村美景嘅位置 坐低飲杯野食個甜品 真係非常休閒~ *Coffee It House 1/F 有得租韓服著 有興趣嘅朋友可以著住韓服遊甘川洞啊 地址: 10-62 Gamcheon-dong, Saha-gu, Busan 甘川洞文化村交通 搭地鐵到土城站(토성역), 係6號出口出來後係釜山大學醫院巴士站搭 1 -1/ 2 / 2-2 巴士到甘亭小學站(감정초등학교)落車 (司機通常會提醒大家已經到站了) 甘川洞文化村大概遊左2個鐘, 然後就搭返 2-2 巴士去土城站 再搭地鐵去南浦洞 shopping Shopping 前都要醫左肚先 所以食左南浦站附近嘅城一家烤盲鰻 城一家就係樂天百貨對面 很好找啊, 南浦站10號出口出來後一路直走就見到城一家係左手邊條街 烤盲鰻有兩款 一款辣一款不辣 都係15000W (按人頭計) 另外加白飯就一個1000W 炒飯就 2000W 鰻魚非常彈牙爽口!! 大家都一定要去試下! 地址: 79-4 Jungangdong 6(yuk)-ga, Jung-gu, Busan 食飽後 就係南浦洞行街了~~
