岩岩係釜山返左香港一個星期 終於的起心機打blog~ 今次搭嘅係釜山航空 (Air Busan) 釜山航空 香港<->釜山 嘅時間真係幾唔錯 凌晨機去晚機返, 仲有飛機餐食 (不過無飯). 雖然飛機有點舊又無電視睇, 但係座位都唔算逼 坐得幾舒服. 朝早6點左右落機, 出境之後就去左機場嘅Global ATM (7-11 隔離) 禁錢 然後就去附近買早餐食 ^^ (*去外國旅行一定要買甜甜圈食) 今次選擇左搭機場巴士出去西面 如果大家要去西面/西歸浦可以搭2號巴士, 如果去海雲台方向可以搭1號巴士. 車費:1號巴士 7000w; 2號巴士 6000w 大概大半個鐘車程就去到今次住嘅地方 Uniqstay Bed & Breakfast Agoda link: https://www.agoda.com/zh-hk/uniqstay-bed-breakfast/hotel/busan-kr.html?device=c&network=g&adid=46410807571&rand=7718397837367789688&expid=&adpos=1t2&site_id=1622948&tag=4739cabd-35bd-4dcf-b9cd-1b298f550c78&gclid=EAIaIQobChMIiJHUmO__2wIVFx4rCh1VkA9CEAAYAiAAEgLue_D_BwE Unistay民宿附近就係Lotte 百貨, 所以巴士就係Lotte 百貨落車就可以了. 去到民宿只係八點幾 所以先寄放行李後 就出發去第一個行程 長林浦口 就係2018 釜山最新景點 小威尼斯彩色小鎮 令到可以用風景如畫來形容啊! 不過因為仲未完全開發好, 所以大部分舖頭都未開而且好少遊客. 大家都要趁未有太多遊客 快d去影相打卡啊! 長林浦口交通: 1號線長林站(Jangnim yeok), 於1號出口出來後, 直行到第一個路口轉右, 係長林小學對出乘搭5號巴士，在都市煤氣站（도시가스 정류장）落車. 落車後一路直行大約5-10分鐘就可以見到彩色屋了. 去完彩色屋後就返返西面食午餐~ 午餐食左釜山必食嘅豬肉湯飯. 民宿好近豬肉湯飯街, 而我就揀左好出名嘅松亭三代豬肉湯飯. 係韓國食飯就係會成檯都係野食 XD 松亭三代豬肉湯飯嘅豬肉湯飯有三個選擇 普通豬肉湯飯/ 豬內臟湯飯/ 米腸湯飯 後面兩個都係內臟, 所以我揀左普通豬肉湯飯~ 順便一提 除左飯之外仲會有少少麵線俾你加落湯入面食, 所以都幾飽嫁! *一行入去會有好大嘅豬味, 要有心裡準備啊! (不過食落係無嘅 請放心^^) 松亭三代豬肉湯飯地址: 釜山廣域市釜山鎮區釜田洞255-15（부산 부산진구 부전동 255-15）
