香港的冬天真一年比一年遲來，到左十二月天氣都是時冷時熱，涼涼地又唔算好凍，中午既時候仲有大大個太陽出現。但正正因為天氣涼涼地又有太陽其實好適合行山，我都係近呢年先開始行山咋，原來香港真係有好多好靚既地方，而且行山既路線唔難又可以沿途欣賞大自然既境色，岩曬一家大細以及我呢D 行山初哥 ^^ 今次介紹既地方位於港島名叫鶴咀，鶴咀屬海岸保護區，鄰近石澳、也近另一行山徑龍脊， 前往鶴咀既方法好簡單，只需乘撘港鐵至筲箕灣站，於A出口出便會見巴士總站再轉站9號巴士並於鶴咀道下車便可。 一開始需要行一條長長既路才會到達海岸保護區，不過可以放心，全部都是平路而且沿途都有風景睇，當日既天氣真係好好，陽光充足，天空好藍，遠遠既景色都見到。 行行下就會見到指示牌 行到中途，聽到一處傳來回音聲及浪聲，又見途人從草叢中行出來，所以走去看看，原來係一個好大既洞穴又名為雷音洞，這個洞長期有海水湧入形成好大既浪聲。 行至大約黃昏既時間，仲可以欣賞埋日落，都唔知幾耐冇睇過了….好大個咸蛋黃呀! 希望大家鐘意我的介紹！
