唔知大家介唔介意用二手嘢嘅呢？我知道有啲人好介意，但我係唔介意嘅，記得中學時，就開始會去美姿買衫，$5、$10、$20就可以買到衫同裙，嗰陣時當然係貪平，仲極鍾意尋寶嘅感覺，亦發現以前嘅衫好精緻，一件$10嘅花裇衫，上面粒紐竟然雕花，仲好多都係日本制造。但有次帶同學去美姿，佢買咗幾件衫返屋企即刻俾屋企人掉晒，話係死人著過嘅衫，好污糟，以後都唔可以去，我先發現原來有人好唔接受。 大個啲，發現自己原來係好鍾意vintage復古，好鍾意舊時代嘅嘢。又發現原來有樣嘢叫「中古」。喜歡中古，因為好鍾意背後嘅故事同埋歷史；買賣二手，係因為可以唔浪費，將一件物件嘅價值永續落去，唔使將佢攞去堆填區。可能喺你屋企有一樣閑置咗好耐、無用嘅嘢，卻係另一個人好鍾意、或者需要嘅嘢。 幾年前我有個小夢想係去日本睇中古、同去歐洲行跳蚤市場，不過到而家仲未有機會。於是就好想搵方法可以買到中古美物，前排發現原來可以用funbid買到日本yahoo拍賣嘅嘢。 於是我就上咗癮咁睇吓有咩啦，發現咗一對鞋，超級靚！ 呢個款大家可能都唔陌生，係最經典嘅gucci loafers，但佢特別在於係牛仔布，我一見到就完全心心眼，但係佢個碼其實係比我著開小半碼（日本妹啲腳好細！）但我見到佢好新，而且真係好靚，所以都係想試下，最後成功bid到，好開心，著上腳，啱著但有少少緊，仲未捨得著出街，但真係好鍾意好鍾意，尋寶成功。補上我嘅上腳圖同實物圖:)點擊圖片放大 我嘅funbid好友推薦碼：yebe1UfKDE有興趣可用我個code註冊，大家都有現金獎賞
